Teatru y una campaña sobre movilidá sostenible, na XIII Sumana de las Ḷḷetras Asturianas

Estos díes ta celebrándose en Cangas del Narcea la XIII Sumana de las Ḷḷetras Asturianas. Les escolines y escolinos del conceyu tienen un gran protagonismu nestes xornaes dedicaes a la nuesa lliteratura, nes que pueden disftutar de teatru en llingua asturiana y pa la que desendolcaron una campaña sobre movilidá sostenible entitulada ‘Meyor en bici’.

El vienres abrióse l’actividá con una campaña sobre movilidá sostenible diseñada pol alumnáu del institutu llocal. Contó cola collaboración de la Policía Llocal y acompañóse con trabayu de diseñu, eslóganes y hasta pegatines asoleyaes a partir del trabayu de los estudiantes

Los escolinos de Primaria disfrutaron ayeri de la representación de 'Grana de cardamomu', d'El Callejón del Gato, nel Teatru Toreno. Mentes, los de Secundaria acudieron esta mañana a la instalación pa ver 'La reina de la guapura de Leenane', de Producciones Nun Tris.

La Sumana de las Ḷḷetras Asturianas complétase con esposiciones y conciertos pa tolos públicos, y va finar el sábadu con un homenaxe a María L’Acebu, "una muyer que promueve ya dignifica cumo poucas personas pueden la nuesa ḷḷingua ya la nuesa cultura milenarias”.

Na semeya, un momentu de la representación de 'La reina de la guapura de Leenane'.