Superllingua apuerta pa facer más prestosa la cuarentena

Superllingua

Una clase de deporte "pa ponenos fuertes pa lluchar escontra'l bichu" ye la carta de presentación de Superllingua na rede. Acompañáu de Pequellingua y Minillingua, protagoniza una canal nueva de YouTube col envís d'ufrir a les families recursos prestosos pa trabayar colos pequeños de la casa mientres estos díes de quedar en casa.

Esta iniciativa ye un proyeutu del profesoráu del CP Salvador Vega Berros de Sariegu en collaboración cola asociación 'Reciella.  Families pol Asturianu'. En 'Ximiélgate con Superllingua', primer videu, propónse una sesión d'exercicios prestosa, asina como dalgunes actividaes que se pueden facer de manera paralela na descripción del videu en YouTube.