Preséntase "¡Qué te preste!", nuevu llibru de Cristina Muñiz

Cristina Muñiz presenta, esti martes 8 de payares, la so nueva obra ¡Qué te preste!, compilación de los monólogos emitíos nel programa de la RTPA "La Risión".

La presentación cuntará cola presencia de Román Álvarez, conceyal de Cultura d'Avilés; Esther Prieto, responsable de Ediciones Trabe y la propia autora; entamando a les 18.00 hores.
Cristina Muñíz Martín (Xixón, 1953) tien escrito obres de Lliteratura Infantil y Xuvenil como Dingurindaines y La pota encarnada (2010) dambes cola editorial Asturtoons. Otra manera nel ámbitu de la lliteratura p'adultos tien espublizaos dellos volúmenes de cuentos Onde pisen poques güelles (2005), El buscador d'hestories (2007), Kárias (2008) y la novela Ventiocho díes (2008); toos ellos con Ediciones Trabe, cola que vuelve a collaborar nesti casu.