P. N. Picos d'Europa

Nel añu 1916 el Gobiernu d’España aprobaba la primer llei de Parques Nacionales, una de les primeres d’Europa, p’asegurar la conservación de los valores naturales d’espacios naturales de valir importante. Dos años depués declararíase’l primeru que tendría esta proteición especial: el Parque Nacional de la Montaña de Covadonga.

Detrás d’esta proclamación ta l’enfotu d’una persona, Pedro Pidal, Marqués de Villaviciosa. Senador en Madrid, trabayó dende’l so escañu pa la proteición de la naturaleza queriendo importar el modelu estauxunidense de parques naturales al Estáu, y, como nun podía ser d’otra manera, Picos d’Europa yera’l meyor espaciu pa poner en marcha esta figura xurídica.

Cuadonga
Cuadonga.
¿Sabíes qué…? Pidal amás de políticu foi un destacáu deportista. Convirtióse nel primer medayista olímpicu de la historia del Estáu (París 1900 na modalidá de tiru al pichón) y na primer persona, xunto con Gregorio Pérez ‘El Cainejo’, en xubir l’Uriellu (2004).

El 22 de xunetu del 1918 ye la fecha na que se crea oficialmente’l Parque, que sería inauguráu’l 8 de setiembre, día nel que tamién se celebraría la Coronación Canónica de la Virxe de Cuadonga. Ésti comprendía un total de 16.925 hectarées, espaciu que se caltendrái igual mientres casi 80 años.

Nel 1995 el Parque Nacional de la Montaña de Covadonga vive un reblagu cola ampliación a los trés macizos de Picos, pasando a nomase Parque Nacional de los Picos de Europa. D’esta forma, l’espaciu salta a Cantabria y Lleón.

Llagu ErcinaLlagu Ercina.
¿Sabíes qué…? El Parque Nacional de Picos de Europa tamién cuenta con otres figures de proteición, como Zona Especial de Proteición pa les Aves (ZEPA), Llugar d’Interés Comunitariu y Reserva de la Biosfera./div>

L’ampliación última del espaciu diose nel añu 2015, cola incorporación de más superficie protexida nel conceyu d’El Valle Baḥu de Peñamellera y la entrada d’El Valle Altu de Peñamellera. La superficie total anguaño del Parque Nacional de Picos ye de 67.455 hectárees.

Nel 1995 el Parque Nacional de la Montaña de Covadonga vive un reblagu cola ampliación a los trés macizos de Picos, pasando a nomase Parque Nacional de los Picos de Europa. D’esta forma, l’espaciu salta a Cantabria y Lleón. Dientro de les llendes del Parque viven unos 15.000 habitantes que comparten l’especiu con una amplia variedá de flora y fauna. Ente los animales qu’habiten en Picos destaquen los llobos, los robecos, l’osos pardos o los frangüesos, recientemente reintroducíos nel llugar.

  • ¿Pa qué val un Parque Nacional?
  • ¿Qué modelos se tomaron nel momentu de la creación d’esta figura?
  • ¿Cuáles foron los cambios vivió’l Parque Nacional de los Picos de Europa dende la so inauguración?
  • ¿Qué se celebró nel 2018?

 

Enllaza estos parques nacionales col so llugar d’ubicación correutu:

Ordesa
 
Monfragüe
 
Teide
 
Tablas de Daimiel
 
Doñana
Picos d’Europa
 
Aragón
Extremadura
Canarias
Castilla-La Mancha
Andalucía
Asturies