Marthin Luther King

Estaos Xuníos, nun hai munchu tiempu, yera un país nel que los negros nun teníen los mesmos derechos que los blancos. Una situación que gracies al esfuerciu y al trabayu de munches persones camudó sobre manera, anque la igualdá racial nesa potencia mundial económica, al igual qu’en munches partes del mundu, nun ye enforma real anguaño.

Nesi contestu, mediáu’l sieglu pasáu, surdió una figura clave pal avance nos derechos cívicos de los afroamericanos estauxunidenses y bandera contra’l racismu en tol mundu. Tratábase de Martin Luther King Jr., un pastor evanxélicu que nació n’Atlanta nel 1929 y que mereció’l Nobel de la Paz del añu 1964.

El xestu de Parks supunxo una enantes y un depués na llucha pola igualdá racial, anque nun yera la primer vegada qu’una muyer se rebelaba, con dellos casos conocíos anteriores. King entamó nesi momentu xunto a un piñu de persones una campaña contra la compañía d’autobuses públicos d’esta población del estáu d’Alabama, nel sur estauxunidense, boicot que tuvo ésitu gracies a la organización de vehículos coleutivos pa poder desplazase a los puestos de trabayu o la solidaridá de los taxistes negros, que dexaben el viaxe a preciu del autobús.

La presión, a pesar de los episodios de violencia protagonizáu por persones blanques, duró 381 días, hasta que s’aprobó una ordenanza que permitía a los afroamericanos sentase en cualquier sitiu del autobús. Enantes, un tribunal federal declaraba inconstitucionales les lleis raciales de segregación d’autobuses d’Alabama, sentencia confirmada poco depués pola Corte Suprema, y n’otros puntos d’Estaos Xuníos comenzaba una carrera d’esperanza en defensa de los derechos civiles.