Marte
Marte ye’l cuartu planeta del Sistema Solar, el siguiente a la Tierra según t’alloñes del Sol. Bautizóse col mesmu nome que’l dios de la guerra de la mitoloxía griega pero recibe’l nomatu popular de ‘planeta bermeyu’ pol so color, que vien del óxidu de fierro predominante na so corteza.
El so tamañu ye la metá que’l de la Tierra, superando namái nesi aspeutu a Mercuriu. Poles sos carauterístiques ta consideráu como’l más afayadizu pa una posible colonización futura pol parte del home –depués del nuesu satélite, la lluna–, entamándose delles espediciones non tripulaes col oxetivu d’estudiar les condiciones del planeta y la posible esistencia d’agua.
Marte.
Les condiciones ambientales de Marte son les más asemeyaes posibles a les de la Tierra nun planeta del Sistema Solar y les so formes xeolóxiques conviden a pensar na presencia abondosa d’agua nel pasáu, por eso l’enfotu científicu n’atopalo. Por mor de la baxa presión atmosférica, la so presencia líquido en superficie ye imposible, pero sí podría esistir xelao nel subsuelu.
Unos científicos italianos de la misión europea ‘Mars Express’ anunciaron nel 2018 la detección d’un gran llagu soterrañu baxo’l casquete permanente de dióxenu de carbonu del polu sur marcianu. Lo siguiente será confirmar la posible esistencia de vida microbiana en Marte nestes superficies d’agua.
Mars Rover.
La esploración espacial de Marte comenzó nel añu 1963 col unvíu de la sonda ‘Mars 1’ depués de cientos d’años d’observación por parte de númberosos astrónomos, pero la operación foi un fracasu. Nun sería hasta dos años depués, con la ‘Mariner 4’, cuando se pudo tresmitir dende la so cercanía, mentes que la ‘Mariner 9’, nel 1969, foi la primera en llegar a la so órbita.
Los soviéticos convirtiéronse nos primeros en consiguir qu’una sonda aterrizara en Marte, la ‘Marte 3’ nel 1971, dando’l siguiente pasu los estauxunidenses décades más tarde, nel 1997, cola ‘Mars Pathfinder’ desplazando un robot pola superficie marciana. Anguaño hai delles misiones estudiando esti planeta qu’ayuden a avanzar na recopilación de datos pa preparar un posible amartizaxe futuru por parte del ser humanu.
- ¿Por qué s’estudia tanto a Marte?
- ¿Ye posible la vida nel planeta?
- ¿Crees que’l ser humanu viaxará a Marte?
- ¿Qué otra alternativa tenemos a Marte pa una posible colonización?