Mar Martín estrénase con "La llegada"

La filóloga y esperta en Lliteratura Infantil y Xuvenil Mar Martín estrénase como escritora con "La llegada", un álbum ilustráu espublizáu pola editorial Pintar-Pintar coles ilustraciones d'Ánxelu González.

Nél l'autora fai alcordanza de la vida que pasara con so pá, novelando les histories familiares pente medies del filtru que-y otorga'l propiu contestu lliterariu.
Mar Martín, cola que tuvimos oportunidá de falar nesti espaciu hai unos meses, ye responsable de la Biblioteca Virtual MªJosefa Canellada, un espaciu na rede para los recursos multimedia venceyaos cola Lliteratura Infantil y Xuvenil n'asturianu.