Les fiestes navidiegues carguen l'axenda de presentaciones

Esti xueves 23 d'avientu van tener llugar les presentaciones de les novedaes editoriales pal públicu infantil de les editoriales asturianes Pintar-Pintar y Asturtoons.

La Editorial Pintar-Pintar tien programada una presentación conxunta de los sos títulos "Quiero mercar una hermanina", "Un susurru", "Malva y el papapallabres" y "Tía Clara". Nel actu, que va tener llugar a les 19.00 hores nel Club de Prensa Asturiana de La Nueva España n'Uviéu, van participar, amás de la editora del llibru, Ángela Sánchez, les diferentes autores ya ilustradores de los testos. D'esta miente tarán presentes Francisco Pimiango y MªLuz Pontón, ilustrador y autora de "Quiero mercar una hermanina"; Elena Ferández y Marisa López Diz, responsables de "Malva y el papapallabres", y Aida Elizabeth Falcón Montes y Alicia Varela, autora ya ilustradora respectivamente de los álbunes "Tía Clara" y "Un Susurru".
Pela so parte la editorial piloñesa Asturtoons da anuncia de la presentación del recopilatoriu de poesíes pa neños "Dingurindaines", escritu por Cristina Muñiz Martín ya ilustráu por Enrique Carballeira. La presentación d'esti llibru va tener llugar nel Palaciu de Valdecarzana d'Avilés a les 19.00 hores del mesmu xueves 23 d'avientu.