L'anguila y l'angula

L’anguila ye ún de los pexes más conocíos de los ríos asturianos poles sos particularidaes. Naz a miles de quilómetros d’equí, nel mar de los Sargazos, y les corrientes marines traen a la so cría hasta la nuesa costa, camín nel que se tresforma n’angula.

L’angula ta mui valorada a nivel gastronómicu, lo que fai que na apertura de la temporada de pesca d’esti alevín se paguen cantidaes altes pola primer captura. Por un quilu d’esti animal lleguen a abonase más de 5.000 euros, tando’l récor en 6.230 euros, cifra rexistrada nel 2015.

Tamorlan [CC BY 3.0 (https://creativecommons.org/licenses/by/3.0)], from Wikimedia CommonsAngules.
¿Sabíes qué…? L’angula ye l’únicu alevín que la llexislación permite pescar.

El ciclu de vida d’una anguila comienza nel mar de los Sargazos, onde se xunten los exemplares adultos pa reproducise por mor de les condiciones afayadices que se dan nesta rexón del océanu Atlánticu frente a Norteamérica: agües templaes y calmaes con pocos nutrientes y depredadores. Ehí lleguen tanto dende los ríos Europa, d’Asturies a Noruega pel norte y per tol Meditarraneu hasta Grecia, y como d’América –les anguiles europees y americanes xúntese toes ehí– per diferentes rutes.

Tres el desgüeve y el so nacimientu, la cría fai el camín contrariu a pesar del so pequeñu tamañu, nuna de les migraciones más impresionantes del mundu animal. Pa ello faise ayudar poles corrientes marines.

GerardM [GFDL (http://www.gnu.org/copyleft/fdl.html) or CC-BY-SA-3.0 (http://creativecommons.org/licenses/by-sa/3.0/)], via Wikimedia CommonsAnguila.
¿Sabíes qué…? L’anguila trátase d’un pexe en peligru de desaniciu por mor de la sobrepesca y la perda de población nos ríos asturianos nes dos décades últimes ye esmoleciente.

Al llegar Europa depués d’un viaxe que pue durar dos años, sufre una tresformación pa pasar a ser angula, convirtiéndose en tresparente. Nel momentu nel qu’entra en contautu col agua dulce de los ríos comienza a garrar color y asemeyase yá a una anguila.->

L’angula va dir ríu arriba, llegando más al interior les femes, y cola alimentación va dir aumentando de tamañu pasando a ser ópaca hasta convertise nuna anguila. Años depués esti pexe, yá de color plateáu y maduru sexualmente, va facer el camín contrariu, ríu abaxu, hasta’l mar de los Sargazos pa reproducise. Yá nun volverán al que foi’l so llar.>

  • ¿En qué se diferencia l’anguila y l’angula?
  • ¿Cómo se tresforma esti pexe?
  • ¿Por qué va al mar de los Sargazos?
  • ¿Ónde ta esti mar?

 

Coloca estos ríos anguleros n’orde según la so situación xeográfia d’oeste a este (el 1 sería el más occidental y el 6 el más oriental):

Narcea-Nalón
 
Eo
 
Esva
 
Navia
 
Seya
Porcía
 
5
1
4
3

6
2
 
AdxuntuTamañu
Image icon anguilla_anguilla.jpg43.37 KB