La sidra
La sidra ye la bébora tradicional d'Asturies. Historiadores romanos falaben del so consumu, nomandola como zythos.
El procesu d'ellaboración de la sidra tien delles fases. La recoyida de la mazana dase nos meses de setiembre y ochobre. Del so mayáu naz la sidra del duernu o sidra dulce, ensin fermentar, que se consumen nesa mesma época. Ye parte fundamental de los amagüestos p'acompañar a les castañes.
Tres dellos meses fermentando en toneles, pa San Xosé suelen espichase pa consumir la sidra natural, que ye la se consume llueu nos chigres.
La cultura sidrera tien munchu raigañu n'Asturies, polo que se ta trabayando pa que se declare Patrimoniu Inmaterial de la Humanidá pola UNESCO. Tolo venceyáu a la sidra y la mazana nel país va de la mano de la llingua asturiana.