La berrea

21 Xunetu, 2017
Pablo R. Guardado

El Cervus elaphus ye un mamíferu herbívoru montés de color pardo que destaca pol fechu de que’l machu tien una cuerna grande que-y cai añalmente. El so nome común ye’l de venáu y estiéndese per tol hemisferiu norte, esistiendo n’Asturies una población mui importante d’esti animal.

Si por dalgo ye conocíu esti cérvidu ye pola berrea. Pero, ¿qué ye la berrea? Trátase d’un espectáculu sonoru que nos ufre la naturaleza cuando los venaos entren en celu y busquen apareyase pa garantizar la so descendencia, siendo’l machu’l que produz el soníu carauterísticu o berríu col oxetivu de llamar l’atención de les femes.

Venaos.

¿Sabíes qué…? La potencia del berríu dexa constancia del la fuercia y el tamañu del machu, avisando asina a los sos competidores. Puede llegar a sentise en quilómetros a la redonda.

La época de la berrea comienza a finales del mes de setiembre y allárgase hasta ochobre, nel comienzu de la seronda. Los machos, solitarios, avérense a les femes, que viven en manaes, cola fin de copular cuando éstes ovulen y asegurar descendencia, que llegaría ochos meses depués.

Amás de xenerar estos soníos, los venaos prepárense pa lluchar contra otros machos con tal de defender la manada que ‘dominen’. Pa marcar el so territoriu, mexen y mueven la tierra, llegando a haber enfrentamientos direutos ente animales nel que’l choque de cuernes llega a ser bien violentu.

Siguiendo la berrea en Peñamayor (Nava).

¿Sabíes qué…? Mui similar a la berrea, tamién esiste n’Asturies la ronca del gamu, animal reintroducíu nel nuesu territoriu na década de los 50 y que namái s’estableció n’El Sueve.

La berrea ta, nos años últimos, convirtiéndose nun importante reclamu, sirviendo de motor económicu a les zones d’Asturies onde habiten estos animales. Asina son munchos los turistes que salen al monte pa disfrutar d’esti espectáculu, principalmente en salides organizaes.ía recuperóse la figura de la Xunta Xeneral d’Asturies, que tien función llexislativa. Con esta denominación pretendíase recordar a la institución de mesmu nome que dende’l sieglu XV hasta’l 1835 acoyía a representantes de tolos conceyos d’Asturies y que, pese a nun tener potestaes llexislatives o xudiciales, sí contaba con capacidá de decisión en dellos asuntos d’interés pal país.

Pa ello han de madrugar o dir a última hora del día, yá que ye nel alborecer y nel atapecer cuando estos animales faen la berrea. Cuando vayas a disfrutar d’esti espectáculu de la naturaleza lleva unos prismáticos pa poder ver de lloñe a los venaos y pon bien la oreya pa sentilos bien.