Incorporamos un reportaxe nuevu: ‘El gas natural y el gas llicuao’

Últimamente fálase muncho del gas natural con motivu de la guerra n’Ucrania. En ‘A la Gueta los Sueños’ préstanos aprovechar pa esplicate per aciu d’esti reportaxe cómo s’estrái y tresporta esti hidrocarburu, que se pue llicuar pa qu’ocupe munchu menos espaciu y poder tresportalu en barcos metaneros.

Muncho del gas que llega a Europa procede precisamente de Rusia, del que dependen sobre manera los países más cercanos, como Alemaña. L'amenaza d'un posible corte del suministru lleva a éstos a optar por otres alternatives, como la llegada de gas llicuao d'otru gran productor, Estaos Xuníos.

¿Sabes cómo s’estrái’l gas y se tresporta? Esti reportaxe de 'A la Gueta los Sueños' firmáu por Efrén d'Andrés y enfocáu a un públicu mozu, esplícalo.