El vinu

Asturies ye un territoriu onde se fai vinu, cola producción centrada nel suroccidente del país daes les especiales condiciones d'esa zona pal desarrollu de la uva. Trátase d'una bébora alcohólica que s'obtién d'esta fruta y que ye mui popular en tol mundu.

El vinu asturianu produzse baxo la etiqueta DOP Cangas, algamada nel añu 2011, con vides nos conceyos de Cangas del Narcea, Degaña, Ayande, Grandas de Salime, Eilao, Pezós, Ibias y zones de Tinéu. Éstes carauterícense por ser d'alta montaña, polo que la recoleición de la uva ye más costosa, lo qu'inflúi nel preciu final del productu.

Les variedaes d'uva coles que se fai esti vinu son el carrasquín, el verdeyu negru, la mencía y el albarín negru, nel casu de les variedaes tintes, y l'Albarín blancu, Albillo y Moscatel de granu pequeñu, nel casu de las variedaes blancas.

La vendimia faise a finales d'agostu, setiembre y principios d'agostu, según el tiempu que fixera esi añu, que pue facer que s'adelante o retrase la recoyida de la uva. En primer llugar estraese'l mostu, qu'al fermentar produz el vinu.

En Cangas la vendimia ye toda una fiesta. La población vístese de gala n'ochobre pa una folixa alrededor del vinu, de nome Fiesta la Vendimia, el productu que la fai conocida en tol Estáu. La escenificación del tresporte de la uva nun carru del país y la tradicional 'pisada d'uva' son dalgunos de los sos principales actos