El Muséu de la sidra
¿Qué nun sabéis ónde ta'l Muséu de la sidra? ¿Daveres nun lo sabéis? Nun lo pueo creyer. Pues de toes a toes nun ye posible falar de sidra y escaecenos del conceyu de Nava que ta a 30 Km d'Uviéu. ¡Si los mazanos más guapos de toa Asturies tán ellí plantaos!
¿Que qué podéis ver nel Muséu? De too, dígovoslo yo. El casu ye qu'esti muséu paecese mui poco a los museos tradicionales.¡Ah! Y dir preparaos pa pasar un ratu mui prestosu participando na esbilla d'actividaes que tien organizaes. Y amás vais deprender a esgaya sobre cómo s'ellabora la sidra, los diferentes tipos de mazanes, los llagares y los chigres.... Hasta podréis tocar una gaita electrónica y xugar virtualmente a los bolos.
Nun perdáis más el tiempu en caxigalines y namás que tengáis ocasión dir al Muséu de la sidra de Nava. ¡Coime, rapacinos y rapacines, faceime casu si lo queréis pasar de mieu!