El cuentu de la curuxa Catuxa yá tien llibru

'La curuxa Catuxa' va presentase esti xueves nel ciclu Uviéu Abierto. Impronta edita esti cuentu ganador de XIII Premiu María Josefa Canellada de lliteratura infantil y xuvenil, escrito por Vero Suari y Inaciu Galán, que nos trai un personaxe que va prestar enforma a la reciella.

L'actor Pedro Durán va conducir l'actu, que va principiar a les 17.30 hores, con entrada llibre y sede na Biblioteca d'Asturies Ramón Pérez de Ayala. Ésti va tar empobináu a neñes y neños.

Catuxa ye una curuxa, polo que ye más facil vela de nueche. Pel día ta mui ocupada trabayando na so fábrica de xuguetes pa repartir a toles asturianes y asturianos cuando se-yos cai un diente.