El conciertu de David Varela en 'La Reciella en Casa' tuvo 3.763 visualizaciones

El Conceyu d'Avilés dio a conocer les cifres d'audiencia de les actividaes entamaes pola Estaya de la Llingua pal ciclu virtual 'La Reciella en Casa: La Cuarentena Presta' que se desendolcó na Selmana Santa en plenu estáu d'alarma. En total rexistráronse 14.683 visualizaciones hasta la fecha, siendo l'actividá más siguida de les ocho programaes el conciertu de David Varela, con 3.763.

Cuentacuentos, música y talleres d'escritura, dibuxu, cómic y ropa tradicional conformaron esta iniciativa que s'allargó del 6 al 13 d'abril. El so oxetivu yera animar el confinamientu a les neñes y neños d'Avilés, llegando a tol mundu tamién gracies a les posibilidaes qu'ufre Internet.

El conciertín de Varela foi'l que más audiencia acumula de les ochos actividaes, que siguen disponibles na rede. El músicu algama 3.763 visualizaciones, de les que 2.150 son per Facebook, 1.131 en YouTube y 455 n'Instagram.

Tamién ta prestando muncho'l cuentacuentos 'La cuyarapa Martina' d'Ana Morán, que suma un total de 2.650. Mentes, el repasu a les actividaes de les Xuntes d'Escolines/os, emitida fuera d'esti ciclu, tuvo 1.440 reproducciones.