El CERN y el GCH

Conocíu como CERN poles sos sigles orixinales en francés (Conseil Européen pour la Recherche Nucléaire), qu’anguaño lleva’l nome d’Organización Europea pa la Investigación Nuclear, fundóse nel 1954 y trátase del mayor llaboratoriu del mundu d’investigación en física de partícules del mundu. Ta asitiáu en Suiza y acueye’l Gran Colisionador de Hadrones (GCH), una instalación baxo tierra en forma d’aniellu de 27 quilómetros de llargor que ye ún de los mayores avances científicos del home.

El GCH consiste nun acelerador de partícules. Una partícula ye una parte mui pequeña de la materia y un acelerador provoca, a traviés de campos magnéticos, qu’éstes, cargaes, vayan a altes velocidaes y choquen ente elles, lo que permite crear otres nueves que fai posible’l so estudiu y, con ello, saber dalgo más sobre l’orixe del Universu.

El construyíu en Suiza, probáu con ésitu nel 2008, ye una de les máquines más complexes construyíes nunca pola humanidá. Con más 9.300 imanes superconductores que faen xirar les partícules a la velocidá de la lluz, provoca que choquen nunes condiciones similares a les posteriores al Big Bang, esto ye, la creación del Universu.

Nos 15 años que s’espera tea en funcionamientu, los científicos que trabayen nél cuenten que’l GCH puedo valir pa conocer, ente otros aspeutos, el significáu de la masa, el númberu de partícules totales del átomu, qué ye la materia escura o la esistencia o non de les partícules supersimétriques. En definitiva, afondar nos conocimientos qu’anguaño tenemos de la Física.