‘Contando colos deos’ ye la obra que gana’l María Josefa Canellada del 2023

El Premiu María Josefa Canellada, el más importante de la lliteratura infantil y xuvenil en llingua asturiana, yá cuenta con ganador. Ye Xosé Anxelu Gutiérrez Morán, autor de la obra ‘Contando colos deos’, que vamos poder lleer l’añu qu’entra.

“Enllaza cola tradición oral, fai posible l'intercambiu ente los adultos y la infancia, tien un altu valor pedagóxicu y usa una llingua rica y curiada”, rescampló’l xuráu de los gallardones. Ésti va ser el primer títulu d’esti autor, qu’escribió mayormente poesía, pa moces y mozos, polo que naguamos por tenelu ente les nueses manes.

Yá podemos lleer, sicasí, la obra ganadora del añu pasáu, ‘El cartafueyu d’Alquimia’, de Blanca Fernández. Editada por Cuatro Gotes, ta destinada a un públicu xuvenil.