Adriana Álvarez Suárez gana’l V Concursu de Rellatos Curtios Conceyu Candamu
El testu ‘La neña’ resultó merecedor del V Concursu de Rellatos Curtios Conceyu Candamu na estaya infantil de 6 a 11 años. La so autora foi Adriana Álvarez Suárez, que se lleva a casa un llote de llibros col que siguir disfrutando de la llectura y ameyorando la so escritura.
El llunes el xuráu formáu Xosé Lluis Rodríguez Alberdi, Javier Calvo y Francisco Javier Fernández Conde decidió ente tolos trabayos presentaos los ganadores del primer y segundu premiu de toles categoríes. ‘La neña’ d’Álvarez Suárez foi’l meyor na estaya de 6 a 11 años, con ‘La neña que quería ser xana’, d’Alicia Menéndez Macías, como otra gallardonada.
La de 12 a 16 años quedó erma, mentes que n’adultos el ganador foi Francisco ‘Paco’ Álvarez por ‘Correr tres del vientu’, que recibe una recompensa de 500 euros. El segundu premiu llevólu José Ángel Gayol con ‘Lluvia’, valoráu en 200 euros.