'A la Gueta los Suaños' incorpora un xuegu fechu por un escolín

Xuegu 'Famosos' A la Gueta

Una propuesta d'un escolín usuariu de 'A la Gueta los Sueños' plantega delles entrugues de cultura xeneral sobre Asturies. Un xuegu qu'incorporamos a esta páxina y que va sirvir a alumnes y alumnos p'amosar los sos conocimientos al empar qu'ameyoren los sos conocimientos del idioma.

Les collaboraciones de los usuarios son de les coses que más nos presten'. Y si vienen d'escolinos, muncho más.

Ye'l casu del xuegu 'Famosos', obra de Marco, alumnu de Secundaria del colexu Montedeva de Xixón, un aficionáu a la informática que quixo compartir con tolos usuarios una de les sos creaciones. Una ferramienta perbona pa emplegar en clase o en casa pa poner a prueba los tos conocimientos sobre Asturies y deprender asturianu.

Dende equí queremos da-y les gracies a esti mozu pol so esfuerciu y bon llabor. Y a toles persones a los que-yos prestaría unvianos dibuxos, xuegos, informaciones o cualquier conteníu pa compartir al traviés de la nuesa páxina ufrimos-yos el nuesu corréu redaccion@asturies.com pa ponese en contautu con nós.

Pa xugar a 'Famosos' has calcar equí.