Noticies a La Gueta

'Estaciones' del IES Númberu 1 III Fierro Botas a la Meyor Idea Normalizadora

La Conceyalía d’Educación y Cultura de Xixón decidió abrir el IV Premiu Fierro Botas a la Meyor Idea Normalizadora a estudiantes de Secundaria de tol país. Esti gallardón dedicáu al xesuíta fináu nel 2002 nun accidente de tráficu en Rusia sustituyó nel 2017 al d’estudios d’investigación en llingua asturiana o gallego-asturiano.

Cubierta 'Oxetivu la lluna' Tintín

Yá ta a la venta nes llibreríes del país ‘Oxetivu la Lluna’, númberu 16 de ‘Les aventures de Tintín’. Trátase del primer cómic del personaxe creáu por Hergé lleváu al asturianu poles editoriales catalanes Zephyrum y Trilita, que se va completar a finales de mes con ‘Pasiando pela Lluna’.

Casa Conceyu Candamu

El testu ‘La neña’ resultó merecedor del V Concursu de Rellatos Curtios Conceyu Candamu na estaya infantil de 6 a 11 años. La so autora foi Adriana Álvarez Suárez, que se lleva a casa un llote de llibros col que siguir disfrutando de la llectura y ameyorando la so escritura.

'Lliteratura' númberu 36

L’Academia de la Llingua Asturiana (ALLA) decidió dedicar el númberu 36 de ‘Lliteratura. Revista lliteraria asturiana’, baxo la direición de la escritora Marta Mori, a la lliteratura infantil y xuvenil. Cien de les 173 páxines que componen esta espublización van pa esti especial, completándose colos sos conteníos habituales.

'Les madreñes vacíes', de Carlos Alba

‘Les madreñes vacíes’, de Carlos Alba, abre'l vienres la edición serondiega de La Reciella de la Factoría. Por mor de la situación pola pandemia de COVID-19 les trés propuestes d’esta iniciativa de la Estaya de la Llingua d’Avilés van poder siguise en llinia namái.

'El viaxe de Covaletti', d'Higiénico Papel

Depués de ganar nel 2018 con ‘Hansel y Gretel’, Higiénico Papel Teatro convirtióse na primer compañía en llevar en dos ocasiones el Premiu y Festival Nel Amaro de Teatru Profesional en Llingua Asturiana o Gallego-asturiano. ‘El viaxe de Covaletti’ foi la escoyida pol xuráu como merecedora del gallardón nesta cuarta edición.