‘Cápsules de tiempu’
Nome: ‘Cápsules de tiempu’
Autor: Carlos González Espina
Ilustraciones: Alicia Varela
Editorial: Impronta, 2015
Un grupu de neños y neñes del 2086 abren en clase paquetes sellaos nel 2011, esto ye, 75 años enantes. Nellos atopen semeyes y testimonios sonoros, teniendo qu’interpretar esos documentos dende la inocencia más absoluta: un sacu enllenu con retales de vides, histories y cuentos, xuníos por esi filu delicáu que cose’l pasáu al futuru.
‘Cápsules del tiempu’ ye la obra ganadora del VII Premiu María Xosefa Canellada de lliteratura infantil y xuvenil qu’entrega la Conseyería d’Educación, Cultura y Deporte. El so autor ye Carlos González Espina, que llevó’l gallardón por “la calidá del rexistru llingüísticu y el dominiu d'un estilu narrativu autorreferencial col que se desenvuelve una hestoria unitaria, pensada n'asturianu y de gran capacidá didáctica”.