Esta selmana va aprobase la segunda llei de reforma del sector públicu que va afectar sobremanera a la RTPA. La XDLA cree que tien que valir pa recoyer el papel fundamental de la televisión nel procesu de normalización social del idioma.
La organización del FICXixón camuda'l nome de dos de les sos secciones más importantes, Esbilla y Llendes, que van pasar a llamase Gran Angular y Límites respectivamente. La XDLA califica la decisión como ‘cosmopaletismu’.
Un alumnu de la Facultá de Maxisteriu recibió una llamada de la Secretaría de la entidá increpándolu por presentar unos documentos n’asturianu. Según dixo la trabayadora de la Facultá, elles “nun tienen por qué saber bable.”
Tolos aficionaos a la música asturiana conocen perbien los discos de gaita y tambor. Poro, d'esti tipu trabayos podemos tener la idea equivocada que yá ta too fecho y grabao, el discu "Por ahí" d'Iván Rionda y Ricardo Moreno "El Colchoneru" desmiéntelo dafechu.
La Casa de la Cultura d’Avilés va acoyer el 15 de payares, a les 20.30 hores, el directu de la mítica banda de rock asturiana ‘Dixebra’, presentando'l so nuevu trabayu. Va ser un conciertu especial, con dellos invitaos y un repasu a la so carrera.
El Conceyu de Cultura Tradicional Vezos Astures entama'l 9 de payares los sos VI Alcuentros, nuna edición que se va centrar na comunidá gallega. L'Antiguu Institutu de Xixón va acoyer charres y talleres impartíos por dellos investigadores gallegos.
El cursu va tener llugar los díes 9, 16 y 23 de payares, nel llocal de L’Ensame n’Avilés. El oxetivu será ufiertar un marcu teóricu y prácticu qu’aide a la formación de los interesaos en recuperar la toponimia tradicional d’Asturies.
El día 8 de payares va celebrase el IV Día de les Ciencies Asturianes, coles mires d'averar la ciencia a los estudiantes dende l'espardimientu y promoción de la llingua asturiana. Va tener llugar a les 11 hores nel Teatru de la Llaboral.
'Palabres' ye un espectáculu multidisciplinar nel que la música entemécese cola llingua asturiana, la danza tradicional y l'arte audiovisual. Les primeres funciones van tener llugar los díes 8 y 9 de payares a les 20 hores, nel Teatru Prendes de Candás.
La presentación de la revista ‘Lletres Asturianes 109’, na so edición dixital, y del tercer númberu de ‘Ciencies’ va servir d’aniciu a les XXXII Xornaes Internacionales d’Estudiu. Esta actividá de l’ALLA va tener llugar n’Uviéu del 5 al 7 de payares.