Día del Llibru Asturianu

Palacios: “La corrupción, el clientelismu y l’amiguismu cuestionen el futuru d’Asturies”

|

La xente que forma parte del proyeutu de Bloque por Asturies-UNA ye optimista de cara a les eleiciones del domingu. Rafael Palacios (Ciañu, 1963), candidatu de la coalición a la Presidencia, espera meyorar la representación actual de la formación pa siguir trabayando en reformar les instituciones.

¿Qué tal ta yendo la campaña eleutoral?

 

Mui bien. Tamos contentísimos pola bona recepción que tamos teniendo. L’actu central de campaña foi una bona muestra d’ello, cola participación de muncha militancia y muncha xente mozo.
 
¿Qué espera qu’asoceda esti domingu?
 
La nuesa intención ye meyorar la representación actual de la formación, que ye d’ún diputáu y nueve conceyales. Esperamos superar estos resultaos.
 
Les encuestes últimes nun sitúen a Bloque-UNA na Xunta Xeneral.
 
El tema de les encuestes depende muncho de quién les encargue. La más fiable pue ser la del CIS, que nos daba bonos resultaos n’intención de votu direutu. Hai que tener en cuenta qu’esti sondéu fixóse enantes del 17 d’abril y que nesti tiempu camudaron muncho les coses. Somos optimistes n’aumentar la representación actual el día 22.
 
¿Por qué hai que votar a Bloque-UNA?
 
Pidimos el votu pa tratar de reformar les instituciones y pa ello ye necesario tar nelles, como se demostró cola denuncia que punximos y que nos dio la posibilidá de contar con espaciu nos medios públicos. La intención de Bloque por Asturies-UNA ye crecer coles mires puestes nel 2015, pa lo que tamos abiertos a la incorporación de tol mundu a esti proyeutu.
 
¿En qué consiste esi proyeutu?
 
El nuesu proyeutu ye’l compromisu de la llucha contra la corrupción, l’amiguismu y el clientelismu que cuestionen el futuru d’Asturies. Queremos ser aire nuevo.
 
¿Qué opina del movimientu ciudadanu que ta tomando les places principales de les ciudaes asturianes y de tol Estáu?
 
Nosotros respetamos fondamente esti movimientu, que consideramos mui importante. Apoyamos les reivindicaciones de los ciudadanos que conformen la plataforma ‘Democracia real yá’ y la llucha contra’l bipartidismu PP-FAC y PSOE-IX.

Conteníu especial: 

Comentarios

Onde non hai xuntaza non hai forza,asina  una ve mas non se fixo nada ...Votos perdios !!!Mas espardios non poden estar..Que se almago? Lo que too la xente veia..La xunta esin representacion de asturianismu (asina llamau) .
Fixo mas Cascos solu con facer el "Foru pa Asturies" y la so personalida, pa abrir toes les puertes!!Non ye'l mio collor, poro ye asina  i hai que reconocelo.
Un lider asina fai falta pa llevar l'asturianismu enlli, onde debe tar!! Fracasu total!!

Contador Estadistiques