Empieza esti martes y va poner en circulación mediu millar de títulos hasta'l 6 de mayu.

Los exemplares que la Conceyalía de Cultura distribúi son de lliteratura universal, exemplares clásicos y llibros sobre'l conceyu, que se van repartir nos centros sociales de Samartín, la Casa de la Mocedá y la Casona del Bravial. 'Da-y vida a los llibros' ye, en definitiva, un programa de trueque de llibros col que se persigue fomentar la llectura entre la ciudadanía y, al empar, reutilizar llibros rescataos del escaezu pa que tornen a ser lleídos.

Van consistir nel refuerzu del forxáu na planta pisu y na colocación d'un falsu techu con tratamientu acústicu.

La inversión que va facer la Conseyería d'Educación y Cultura na escuela de Villoria, del Centru Rural Agrupaú Alto Nalón, ye de 12.000 euros. El Gobiernu decidió acometer la reforma del edificiu tres la visita realizada'l pasáu mes de marzu por técnicos, tres les quexes de los padres y madres de los 58 escolinos del colexu, y decatase de la necesidá de los trabayos.

Yá ta la reciella mordiéndose les uñes por ver a Pop Piquiñín el sábadu na carpa de la plaza de la Catedral d'Uviéu nel XXVIII Conciertu pola Oficialidá. L'actuación ta prevista pa les 18.30 hores, pero la diversión va principiar a les 16.30 hores, dos enantes.

'Alimentos del Paraíso Natural', la marca paragües escoyida pa la promoción de los productos asturianos, ye un aciertu pal 54 por cientu de los nuesos usuarios. Un 46 por cientu opina que ye un error por nun facer referencia esplícita a Asturies.

Iván Huerga, de SUATEA, participó nes xornaes Palavrar a Lingua, entamaes pol Sindicato de Traballadoras e Traballadores do Ensino de Galicia (STEG) en Santiago. Los sindicatos educativos presentes ponen les bases pa facer un frente común de defensa de les llingües minorizaes que va concretase en xunu nun alcuentru en Gasteiz.

'Montesquieu n'Asturies: l'espíritu de les lleis produz espolios' ye'l nome de la conferencia que va protagonizar Amable Concha.

L'abogáu va dividir la charra en trés partes. Na primera va averar a los presentes al conceutu xurídicu de costume y a los sos dos elementos: el material y l’espiritual. Asina desplicará con un exemplu per toos conocíu les llendes ente costume y usu social, pa terminar falando de la evolución del reconocimientu de la costume como fonte nel derechu modernu.

El 88,23 por cientu de los participantes nun sofita un posible pautu xunto con PSOE y Ciudadanos, mentes que'l 91,79 por cientu quier un alcuerdu pela izquierda.

Pablo Echenique, secretariu d'Organización de Podemos, dio a conocer esta mañana los datos del procesu de consulta a les bases que tuvo llugar ente'l xueves y el sábadu. Nél participaron cerca de 150.000 persones, lo que supón un 40 por cientu del censu.

Gwendal va actuar el sábadu nel Parque Xovellanos xunto con Spanta la Xente.

Esta tarde, a les 19 hores, va principar una edición nueva de la Folixa na Primavera en Mieres, onde ta previsto'l repartu de 2.500 llitros de sidra de baldre hasta'l domingu. Van ser munches les actividaes entames nestos trés díes col Parque Xovellanos como epicentru, destacando na xornada inaugural el conciertu de Rodrigo Cuevas (19.50 hores), el Festival de Tonada (20.15 hores) y les actuaciones de La Tarrancha (23 hores) y de los franceses Caliorne-Noze Band (00.30 hores).

L'asturianu y l'aragonés participarán nel I Seminari de Direccions Generals de Política Lingüística xunto col restu de llingües oficiales del Estáu. La Generalitat Valenciana tramitó una invitación al Gobiernu pa tar presente nesti alcuentru nel que, ente otros asuntos, aldericaráse sobre l'impulsu d'una llei estatal de llingües propies.

El ministru d'Industria, Enerxía y Turismu tamién abandona'l so acta de diputáu y dexa la presidencia del PP canariu.