La muyer de Vicente Álvarez Areces va participar nel xuiciu qu'empezó'l llunes por un desfase de 5 millones nel Instituto Adolfo Posada cuando llevaba la so direición.

EQUO, WWF, Ecoloxistes n'Aición y Lobo Marley quieren declarar la especie como protexida nel norte de la Península Ibérica y en peligru de desaniciu, nel sur.

El diputáu nel grupu parllamentariu de Podemos y covoceru d'EQUO Juantxo López de Uralde encargóse ayeri de presentar nel Congresu esta proposición non de llei cola fin de que “el llobu dexe de ser el malu del cuentu y pase a ser un recursu que tenga valor. Queremos promover un cambiu conceptual y amás hai yá suficientes esperiencies del llobu como elementu económicamente en positivu para les zones u vive”.

Asturies ta presente con stand propiu nel Salón de Gourmets, feria que se celebra en Madrid. El Gobiernu anunció que va empezar a trabayar cola marca 'Alimentos del Paraíso Natural' qu'identificará a los productos del país pa facilitar la so promoción y esportación.

'CREActividades', la iniciativa de Pintar-Pintar d'entamu d'actividaes artístiques pa neños y neñes de 6 a 13 años nel Centru Niemeyer, yá cuenta con programa definíu pa los trés meses próximos. La novedá d'esti trimestre ye l'ampliación de les sesiones a los xueves.

En total son 546 places de 30 especialidaes, de les que 128 son de promoción interna.

La Conseyería d'Educación y Cultura espublizó güei nel Boletín Oficial del Principáu d'Asturies (BOPA) la resolución pola que se convoca'l concurso oposición del personal docente de Secundaria y Formación Profesional (FP), pruebes que van desendolcase en xunu. Trátase de la mayor ufierta pública d'emplegu dende qu'Asturies asumió les competencies educatives nel añu 2000, siendo la más amplia hasta la fecha nestos ciclos educativos la del 2008, con 212 places.

El barriu La Caleya de La Pola acueye un añu más el Mercáu Tradicional La Flor de Ḷḷena.

Más de 50 artesanos van participar nesta decimosegunda edición de mercáu entamáu pola Xunta Cultural Rebelgu, que se va desendolcar mañana y el domingu. La Caleya va tener actividá pel día, pero tamién pela nueche, colos yá tradicionales conciertos qu'atraen a una gran cantidá de xente a La Pola.

Nesta ocasión, nel día grande, esto ye mañana, van actuar La Tarrancha, Vrienden y Cambalúa, nun cambiu d'hora última. Mentes, el domingu va tocar La Bandina'l Bache.

La propuesta de Somos Siero salió alantre nel Plenu del xueves col sofitu de PSOE, Foro, IX y la Plataforma Vecinal de La Fresneda, y l'astención de PP y PINSI. El voceru de la candidatura de xunidá popular, Javier Pintado, espera que tea llista pa depués del branu.

El Conceyu de Noreña ta d'estrena. Les dependencies municipales yá llucen cartelos n'asturianu que señalicen los distintos llugares del mesmu. Conceyu Abiertu por Noreña tien presentao una propuesta pa unes ordenances d'usu del idioma.

Los asistentes deprenderán a interpretar los datos qu'aporta'l Gobiernu al respeuto.

Fructuoso Pontigo ye la persona que va dirixir esti taller práuticu, de nome 'Contaminación del aire', dientro de la campaña informativa qu'entama la Coordinadora Ecoloxista d'Asturies. L'oxetivu ye facilitar a los ciudadanos la comprensión de los datos qu'aportar el Gobiernu na web, asina como "conocer l'impautu que tien la contaminación na salú, poder comprobar les distintes fontes y l'impautu que tien nel día a día".

Denuncia que sigue en paraderu desconocíu.

Seis meses depués de dar a conocer a la opinión pública la desapaición de la placa inaugurada asitiada na cai La Llera y inaugurada nel 2011 por Vicente Álvarez Areces y María Esther Díaz, presidente d'Asturies y alcaldesa de Llangréu, de manera respeutiva, el Partíu Asturianista (PAS) torna insistir al Conceyu de Llangréu na reposición de la mesma. La formación llamenta que Xixón sí recuerde al escritor naciu en Ciañu, al bautizar a una zona verde en Pumarín col so nome, y que Llangréu nun faiga un res énte esta situación.