Selmana de les Lletres Asturianes

Soria dimite tres desatapase la so participación n'empreses de paraísos fiscales

|

El ministru d'Industria, Enerxía y Turismu tamién abandona'l so acta de diputáu y dexa la presidencia del PP canariu.

Mientres cinco díes aferróse'l cargu José Manuel Soria dende que salieren a la lluz nos nomaos 'Papeles de Panamá' la so participación nuna empresa familiar nel paraísu fiscal centroamericanu nos años 90, enantes de que se presentara a l'alcaldía de Las Palmas. Los sos argumentos nun convencieron a naide, pero les informaciones que foron saliendo nes xornaes siguientes, que señalaben que fora alministrador nuna sociedá na isla de Jersey, sumaes a les sos contradicciones continues, obligó al canariu, ensin apoyos dientro del propiu partíu, a tomar la decisión de dimitir.

Foi esta mesma mañana, nun comunicáu unviáu pol so departamentu. D'esta forma, Soria conviértese nel primer ministru de la Democracia en dimitir mientres ta en funciones.

Contador Estadistiques