Selmana de les Lletres Asturianes

Les bases de Podemos refuguen un pautu con Ciudadanos

|

El 88,23 por cientu de los participantes nun sofita un posible pautu xunto con PSOE y Ciudadanos, mentes que'l 91,79 por cientu quier un alcuerdu pela izquierda.

Pablo Echenique, secretariu d'Organización de Podemos, dio a conocer esta mañana los datos del procesu de consulta a les bases que tuvo llugar ente'l xueves y el sábadu. Nél participaron cerca de 150.000 persones, lo que supón un 40 por cientu del censu.

La consulta consistía en dos entrugues. La primera rezaba '¿Quies un gobiernu basáu nel pauto Rivera-Sánchez?', a lo qu'un 11,77 por cientu respondió que 'Sí' y un 88,23 por cientu, que 'Non'.

Mentes, la otra cuestión yera '¿Tas d'alcuerdu cola propuesta de gobiernu de cambiu que defenden Podemos, En Comú y En Marea?', con un 91,79 por cientu partidariu del 'Sí' y un 8,21 por cientu, del 'Non.

El plantegamientu d'Iglesias

D'esta forma, les bases apoyen el plantegamientu de Pablo Iglesias, secretariu xeneral de Podemos, que quier un gobiernu 'a la valenciana'. Ésti consistiría nun gobiernu de coalición del PSOE con Podemos qu'incluyiría a Unidad Popular y Compromís que, sicasí, necesitaría l'apoyu de formaciones nacionalistes pa poder conformase.

Iglesias, tres conocese los resultaos, espublizó un tweet nel que destaca que "un 88,23 por cientu de los nuesos militantes diz NON al pautu Rivera-Sánchez. El PSOE debería entrugar agora a les sos bases sobre la nuesa propuesta".

Contador Estadistiques