Muyeres, col so espectáculu 'País Malva', y Corquiéu son los referentes de la delegación asturiana nel XLVI Festival Interceltique de Lorient, qu'esti añu ta dedicáu a Australia. La Banda de Gaites La Laguna del Torollu y el Grupo Folklórico Trebeyu son les formaciones que viaxen esti añu a Breizh.

Carles Mulet, el senador valencianu qu'emplegó'l lleonés na cámara alta'l miércoles, sigue faciendo xestos pol idioma. Ta acabante de rexistrar una entruga pal Gobiernu estatal sobre qué midíes tien previstes pa protexer l'asturlleonés en Lleón, Zamora y Salamanca.

En plenu procesu d'ellaboración del mandatu-marcu que va poner les bases del ente públicu de comunicación pa los nueve años próximos, Iniciativa pol Asturianu presenta l'informe 'Una RTPA pa la próxima década'. Nél fai un balance de lo fecho hasta la fecha y propón una redaición pa sumar al documentu qu'afite la normalización.

La carrera, con salida'l día 30 d'Uviéu, va contar con trés etapes nesta edición.

La organización de la 'Vuelta a Asturias' presentó esta mañana'l cartelu definitivu de la carrerar tres "correxir los errores de toponimia gracies a Fernando Padilla", direutor xeneral de Planificación Llingüística y Normalización. Nél per primer vegada na historia de la ronda asturiana apaecen tolos topónimos na so versión castellana y asturiana, anque nel casu de La Pola Ḷḷena emplega un incorreutu 'Pola de Ḷḷena'.

El músicu tradicional y investigador Dani García de la Cuesta pon esta conferencia.

El nome de la mesma ye 'Averamientu a los estrumentos musicales na antigüedá céltica y otros ámbitos' y va principiar a les 19 hores na xixonesa Biblioteca Pública Xovellanos. La charra ta encuadrada dientro del calendariu d'actividaes de la Lliga Celta d'Asturies, coleutivu que vien entamando nestos meses conferencies de temática asturiana y una visita guiada al castru Punta'l Castiello.

Yannig Baron tenía previsto aniciar una fuelga de fame esti domingu por mor de la falta de diálogu de les autoridaes bretones y d'una política llingüística y cultural en Breizh. Tres recibir un corréu del vicepresidente del Conseil régional de Bretagne, decidió posponela pa la primer selmana de mayu.

Los díes 19 y 20 na so sede de Xixón.

La intención de Gonzali Producciones, conocida pol so llabor de doblaxe de películes a la llingua asturiana, ye facer una seleición pa papeles protagonistes y secundarios en proyeutos televisivos y cinematográficos, siendo'l trabayu remuneráu, amás de pal bancu de datos de la productora. A la prueba pueden presentase actores y actrices mayores de 18 años.

El miércoles a les 19 hores en La Llume.

Itziar Fuente, recién llegada del campu de refuxaos de Ritsona col so proyeutu 'Asturias con Siria', va esplicar de primer mano la situación na que viven les persones que viven nestes instalaciones, les sos males condiciones y les poques esperances de futuru énte la posición pasiva de la Xunión Europea. Nésti concretu, asitiáu a dos hores de la capital griega, conviven más de 900 persones, unos 600 adultos y 300 neños y neñes.

El 'Lletres Asturianes' 114 yá ta disponible tanto en formatu físicu como pa la so consulta na rede al traviés de la web de l'Academia de la Llingua Asturiana (ALLA). El boletín de la institución presenta ocho trabayos d'investigación.