Los dos candidatos a rector firmaron un empate téunicu y van dir otra vegada a les urnes el xueves próximu.

Foi José Muñiz el vencedor al sumar un 34 por cientu del votu ponderáu, poco más d'un puntu que Santiago García Granda (32,97) que, sicasí, foi l'aspirante que sumó más votos: 2107 por 2017. Non mui lloñe quedó Pedro Manuel Sánchez Lazo, con un 25,39 por cientu (1844 votos), mentes qu'Agustín Costa, l'únicu candidatu que nun sofita'l 'respetu y fomentu de la llingua y cultura asturiana' na Universidá d'Uviéu, rexistró un curtiu 7,79 por cientu (360 votos).

Genaro Alonso acusa de "desllealtá" al Gobiernu de Mariano Rajoy por camudar de postura sobre la creación de la especialidá de Llingua Asturiana. Diz agora que modificar el real decretu d'especialidaes ye "imposible" al tar en funciones y el conseyeru rellaciona esta decisión cola postura contraria del PP asturianu a la normalización.

El sábadu en Sestaferia, con un tope de seis alumnos, que va acoyer tamién un alcuentru de bandurrieros. El vienres va ufrir una charra-conciertu sobre l'instrumentu.

La primer sesión de les actividaes sobre la bandurria asturiana va principiar mañana, a les 20.30 hores, cola charra-conciertu de Dani García de la Cuesta, que yá de sábadu va encargase de poner clases del instrumentu, pa les que nun fai falta tener conocimientos previos sobre'l mesmu.

Cuatro candidatos aspiren a ser rector.

Hasta les 19 hores un total de 24.957 de persones con derechu a votu van escoyer el que será próximu rector de la Universidá d'Uviéu que sustituya a Vicente Gotor tres ocho años nel cargu. Nestes eleiciones, de les más abiertes que se recuerden, presentáronse Santiago García Granda, Agustín Costa, José Muñiz y Pedro Sánchez Lazo.

El Plenu del Conceyu d'Avilés aprobó la moción presentada por Somos Avilés pa facer unes ordenances d'usu del asturianu. Tolos grupos municipales votaron a favor a esceición del Partido Popular (PP), que se posicionó en contra.

Al igual qu'asocede n'Asturies, el Partido Popular (PP) nun quier que nes Cortz d'Aragón s'emplegue una llingua distinta al castellanu. El diputáu Fernando Galve, que tamién cargó contra l'aragonés, anunció esti martes una quexa énte la Mesa de les Cortz tres l'usu del catalán nuna comisión por parte d'Alfonso Clavería (Podemos).

El Gobiernu denuncia'l “desconciertu” que xenera'l Gobiernu de Mariano Rajoy na aplicación de la LOMCE y pide qu’entaine na convocatoria de la Conferencia Sectorial d'Educación. El conseyeru Genaro Alonso niégase a participar en nengún alcuentru billateral col ministru Íñigo Méndez de Vigo hasta esi momentu.

Esti miércoles con una charra de Carlos Taibo.

El Centru Social Autoxestionáu La Xusticia, con sede na cai Valentín Ochoa númberu 5 de La Felguera, yá ye una realidá. Tres meses de trabayu, esta tarde va vivir la so inauguración col oxetivu de convertise nun puntu d'alcuentru pa los ciudadanos "que quieren apostar por un mou de vida más xustu y solidariu, menos consumista y individualista".

Yá ta abierta la inscripción pal I Concursu de Tonada Cuenca del Nalón.

La productora A Mansalva ye la responsable del entamu d'esta actividá, na que collabora'l Conceyu de Llaviana y l'Asociación Cultural Trazaraíces. El concursu divídese en dos modalidaes, tonada asturiana femenina y masculina, con un máximu de 25 places en cáuna, respetándose l'orde d'inscripción.

Izquierda Xunida (IX) y Podemos carguen contra esta iniciativa que llevó'l vienres al cuartel del Exércitu español en Noreña a 200 escolinos asturianos y treslladen l'asuntu al Congresu. La embaxada de Palestina, molesta por que s'utilizara'l pañuelu palestín pa identificar al enemigu nun simulacru de guerra.