L'ausencia del Premiu al Meyor Cantar l'añu pasáu lleva a la Conseyería d'Educación y Cultura a tener en cuenta los temes del 2014 pa la novena edición del gallardón. El plazu pa presentar creaciones fina'l día 15 d'esti mes.

Sidoro Villa Costales, autor de 'Nun-yos tengas perceguera', espubliza la segunda parte d'esta obra qu'axunta poesía y animales pa disfrute de los sos munchos siguidores. La primera, editada tamién por Trabe, ta escosada.

Asturies.com ufre'l manifiestu que 'Conceyos pola Oficialidá' lleó'l sábadu tres la declaración d'oficialidá de Bimenes.

Nos dos primeros meses de la collecha 2015.

Con sede n'El Franco, un Equipu d'Intervención Téunica d’Apoyu a la Familia (EITAF) va dar serviciu a los diecisiete conceyos del occidente del país, que correspuenden al l'área I de Servicios Sociales. Va tar formáu por una psicóloga y una educadora social.

Tres los fichaxes de Víctor Rodríguez y Mariño, anunció esti martes el de Lillo y ta próximu a zarrar los de Burgui y Moi Gómez.

Gonzali Producciones yá ta trabayando no que va ser la tercer película encargada por RTPA pa emitir doblada n'asturianu. Trátase de 'Orixe', 'Inception' na so versión orixinal, y l'ente públicu va programala pal 8 de setiembre.

Galán anuncia que va ser el númberu caberu que dirixa de la revista de lliteratura mozo.

Ta acabante abrise'l plazu pa presentar testos pal númberu 15 de 'Formientu', que saldrá enantes de que termine l'añu. Esti númberu de la revista na que s'asoleya la obra d'autores mozos va ser el caberu dirixíu por Inaciu Galán. "El futuru de la revista queda na voluntá del Conseyu de Redacción y de los autores que quieran implicase na so continuidá", esplica'l fundador de 'Formientu' nel 2006, hai agora diez años.

El 2 de xunetu del 1916 el Gobiernu estatal aprobaba un decretu nel que modificaba'l nome de 573 ayuntamientos cola fin de nun confundilos con otros d'igual denominación. Corvera, Tapia y Muros ganaron asina un 'apellíu' qu'entovía caltienen.

Unvió-y una carta na que-y demanda con Renfe la mesma contundencia que coles cancelaciones de Vueling.