El Gobiernu d'Asturies punxo'l xueves en serviciu'l centru de día adscritu a la residencia de mayores Palacio de Villar, de Castrillón, que cuenta con quince places nueves. L'equipamientu recibió a los cinco primeros usuarios, dos muyeres y trés homes.

El voceru d'Izquierda Xunida (IX) na Xunta Xeneral Gaspar Llamazares señaló que l'apoyu del PSOE "por activa o por pasiva" pa dar el Gobiernu estatal a Mariano Rajoy tendría les sos consecuencies n'Asturies. "Afeutará, ensin dulda, al alcuerdu d'investidura y al cambiu d'izquierdes", asegura.

Jesús Ramón García García dexó'l cargu de xerente de Viviendes del Principáu d'Asturies (Vipasa) por decisión unánime del conseyu d'alministración. Pa primeros d'agostu ta prevista la convocatoria d'un concursu públicu pa cubrir esti puestu na empresa.

Empiecen el xueves cola corta del arbolón y celebren el V Refaciendo Tradiciones el vienres, qu'inclúi una Nueche en Danza.

La fiesta céntrase especialmente mañana, anque esta tarde, a les 17 hores n'El Reburiu (barriu de Garbelles), los mozos y moces d'esti pueblu xixonés van trabayar en man común na corta del arbolón d’esti añu, donáu por Marina’l Mecheru, de la casería Casa Ramirín. La actividá ye abierta a toles persones que quieran andechar o, simplemente, dir velo y echar un culín.

El dúu formáu por Marisa López Diz y Luis Suárez participa en Conceyo de Cantares.

Esta actividá, entamada pola Oficina de Coordinación Cultural y Llingüística de la Fundación Parque Histórico del Navia, enmarcase nel ciclu El Parque Histórico Fala 2016, qu'inclúi conciertos, charres escolares y conferencies en gallego-asturiano, ente otros. Conceyo de Cantares dedícase a programar conciertos na llingua del occidente del país, ciclu nel que toma parte Mestura.

El Plan de Retornu del Talentu busca recuperar a aquellos profesionales que se vieron obligaos a marchar a trabayar fuera pola ausencia de posibilidaes nel país. El Gobiernu destina 622.500 euros pa esta iniciativa que forma parte del alcuerdu con IX pa la investidura de Javier Fernández.

La documentación que manexa'l fiscal Conrado Sala y el xuez José de la Mata involucren al senador Ovidio Sánchez na trama entamada por Gustavo de Arístegui y Pedro Gómez de la Serna. El popular negara n'avientu que tuviera rellación dalguna con ella.

Gonzali Producciones convierte a Woody Woodpecker, personaxe de dibuxos animaos que llegó a TVE como'l 'Pájaro Loco', en Picatueru. L'episodiu 'Pantry panic', dobláu al asturianu, va servir como material de trabayu nun taller de doblaxe infantil dientro de la programación d'Arcu Lliterariu que yá tien abierta la inscripción.

La XDLA edita esti trabayu entituláu 'La tele que queremos; televisión pública y reivindicación llingüística n'Asturies' que se va dar a conocer el día 21.

Va celebrase los díes 26 y 27 dientro de la programación del Festival Arcu Atlánticu.

L'usuariu Víctor Suárez Piñero, alministrador y divulgador del proyeutu d'enciclopedia llibre n'Asturies, va impartir esti taller de dos hores dividíu en dos díes. Nél los presentes van deprender a xenerar artículos pa la enciclopedia llibre, que yá cuenta con casi 50.000 artículos na so versión asturiana, lo que convierte a la llingua asturiana na 78 de los 291 idiomes nos que se trabaya en Wikipedia.