La Sidra de Mazana d'Escoyeta aumenta un 10 por cientu les sos ventes

Nos dos primeros meses de la collecha 2015.

La Sidra de Mazana d'Escoyeta, sellu de calidá del que formen parte los llagares Sidra Trabanco, Peñón, Foncueva y Muñiz ta superando toles espeutatives cola collecha del añu pasáu, presentada'l 10 de mayu, con un 10 por cientu más de ventes que nos dos meses primeros que l'añu pasáu. Dende estos llagares apunten que la medra de consumu del productu débese a dos factores: la gran acoyida que ta teniendo nel mercado la sidra nuevo, ensin trasegar, iniciativa desarrollada por esti sellu de calidá pa recuperar la tradición d'estrenar la collecha con aquella sidra fecha sobre la madre, y pola campaña 'Sidra frentre al cáncer'.

Gracies a esta iniciativa entamada en collaboración cola Fundación Sandra Ibarra de Solidaridad frente al Cáncer, cada botella de sidra nuevo de Mazana d'Escoyeta contribúi a financiar proyeutos d'investigación frente al cáncer, gracies a l'aportación qu'esti sellu fadrá en función del volume de ventes algamáu en tol Estáu. Esta campaña va siguir mientres tol mes de xunetu.

“Tamos mui satisfechos cola acoyida de la collecha nueva. Ta siendo un mui bon añu, y prueba d'ello son los datos de ventes. Amás, el fechu de que medráramos un 10 por cientu de mayu a xunu tien un significáu mui especial, yá qu'esti crecimientu va venceyáu de forma direuta al aumentu de fondos pa la investigación sobre'l cáncer”, apunta José Manuel Riestra, presidente de Sidra de Mazana d'Escoyeta.

15 años

La d'esti añu ye la collecha númberu 15 que la Sidra de Mazana d'Escoyeta pon nel mercáu. Les previsiones pasen por incrementar llixeramente la producción rexistrada na collecha 2014 (comercializada nel 2015), cuando se calificaron 1.175.000 llitros y salieron al mercáu sobre 1.680.000 botelles certificaes. De momento, nes dos meses de preba celebraes en La Polsa Siero y Xixón calificáronse 774.500 liltros, lo qu'implica la salida al mercáu d'unes 1.107.000 etiquetes.

“Esta cifra confírmanos qu'esti será un bon añu de sidra d'escoyeta. Hai que tener en cuenta, amás, que la mayor parte del consumu concéntrase agora, nos meses de branu. D'ehí la importancia de que, enantes del mes de xunetu, superáremos yá'l millón de botelles calificaes”, apunta Riestra.