Esti sábadu, dientro l'actividá 'Los sábados na viesca de los neños', va celebrase la puesta n'escena d'ún de los discos favoritos de la reciella: 'Bestiariu'. Los intérpretes de los diez cantares van actuar pela nueche nesti espaciu del Xardín Botánicu Atlánticu.

La Conseyería d'Eduación y Cultura anunció qu'esta selmana van convocar les beques los alumnos de másteres universitarios y del Programa Eramus+. Tamién va facer públicu'l llistáu de persones que van beneficiase d'ayudes pa estancies formatives en Canadá.

Ángeles Carbajal incorpora'l so nome al palmarés del gallardón de la Tertulia Malory, creáu hai un lustru. Pal xuráu del premiu de la tertulia que s'axunta nel pub Tom Malory de L'Entregu dende hai casi 20 años 'L'aire ente la rama' foi'l meyor llibru del 2015.

Hai alternatives. Éso ye lo que piensen los usuarios d'Asturies.com que participaron nel nuesu 'Conceyu Abiertu'. Un 59 por cientu apuesta por una potenciación de l'AS-II y del tresporte públicu enantes de facer una obra d'un costu superior a 100 millones.