La banda nacida en New York y formada pol gaiteru uvieín Carlos Casado y otros cinco músicos procedentes de Brasil, Turquía, Xapón y Catalunya, Slum Suit, ta acabante d’asoleyar el so discu debú. La Celtiberian Heritage Society encargóse de la edición del trabayu.
Perdía por 6-2 y 2-0 nel so choque de cuartos de final col favoritu Rafael Nadal.
Foi al final del primer set cuando Pablo Carreño viose obligáu a pidir l'atención d'un fisioterapeuta por un tirón abdominal. El xixonés trató de continuar, pero tres fallar una pelota fácil nel segundu set decidió poner fin a la so trayeutoria nesta edición de Roland Garros, la meyor de la so carrera nun Grand Slam.
Uviéu sal a la cai, yá sía en grupos de familiares o d’amigos, pa celebrar el Martes de Campu, xornada na que se van repartir 6.700 bollos nel Campu San Francisco. Festéxase la donación fecha por Velazquita Giraldez, conocida popularmente como Doña Balesquida, nel sieglu XIII a los sastres y probes de la ciudá.
Macario Victorero firma un artículu sobre les artes de pesca nesta población.
Esti mes pasáu espublizábase'l númberu 5 de la revista en llingua asturiana 'Friúz', qu'edita l'asociación El Ronchel de manera trimestral y qu'afonda na cultura de los conceyos de Villaviciosa, Cabranes y Colunga. Un pueblu d'esti conceyu últimu, Llastres, protagoniza la portada nesta ocasión, con una semeya antigua del puertu, acompañáu d'un artículu de Victorero na páxina 2 sobre les artes de pesca nel llugar.
Entamólu'l Centru d'Interpretación de la Ría de Villaviciosa coincidiendo cola cercanía del Día Mundial del Mediu Ambiente.
L'actividá celebrada'l domingu consistió nuna presentación nel centru d'interpretación pa dar a conocer les plantes invasores más comunes nesta contorna, asina como los problemes que causen pal caltenimientu de les especies autóctones propies de les dunes y marismes.
‘El pelegrín y otros cuentos’ trátase de la torna al asturianu de 36 cuentos inéditos a la muerte del portugués Fernando Pessoa –cola esceición de ‘El banqueru anarquista’–, obra d’Henrique Facuriella. B. Alto Creativos tamién edita la traducción del inglés ‘Esclavu doce años’, de Solomon Northup, de la que s'encargó Mario Baragaño.
El curtiu en llingua asturiana ‘Ad-vientu’, de Roberto F. Canuto y Xiaoxi Xu, sigue sumando gallardones. Al premiu del públicu del Día d'Asturies nel FICXixón y al Meyor Curtimetraxe nel Falcon International Film Festival de Londres, suma agora’l del públicu de la ‘Sección Asturias’ del XVI Avilés Acción Film Festival.
La victoria de Pedro Sánchez nes primaries del PSOE, con meyores datos n’Asturies qu’a nivel estatal, nun va trayer cambios na política que vien desendolcando la FSA nel país. Un 78 por cientu de los usuarios d’Asturies.com son d’esta opinión.
