Antonio Tajani, presidente del Parllamentu Européu, impidió l’emplegu de llingües non oficiales na Cámara cuando dellos eurodiputaos quixeron utilizales pol ventenu quintu aniversariu de la Carta Europea de les Llingües Minoritaries o Rexonales. Estefanía Torres, de Podemos, tenía intención de falar n’asturianu.

La coalición valenciana Compromís presentó una enmienda nel Senáu a los Presupuestos Xenerales del Estáu pa incluyir una partida pa l’ALLA. Solicita 100.000 euros pa la institución académica “pa la promoción de la llingua propia de los asturianos y lleoneses”.

L'erotismu ye'l filo conductor de los poemes.

La Casa de la Mocedá de Sotrondio acueye l'actu de presentación de 'Colibrí' esta tarde a les 19 hores. El so autor de José Javier Souto y trátase d'un llibru billingüe asturianu-castellanu que "afonda nel erotismu de les rellaciones amoroses, trazaes con una delicadeza y tan ampliu dominiu del llinguaxe qu'enxamás atoparemos grosería", espliquen dende la editorial, Libros Mablaz.

Esti martes dio aniciu la campaña pa la matriculación pa Llingua Asturiana y Gallego-asturiano en Primaria baxo los lemes #YoApúntome y #EuApúntome. En Secundaria el plazu pa inscribise na materia va desendolcase ente’l 3 y el 14 de xunetu.

La Conseyería d’Educación y Cultural espublizó nel BOPA d’esti martes les instrucciones pal desarrolu del plan pilotu pa emplegar l’asturianu como vehicular en Primaria. Ésti va desendolcase namái en cuartu cursu nuna de les cuatro árees propuestes.

El conxuntu vascu, cuartu del so grupu, eliminó al Lorca FC B y al Cacereño.

Los de José Alberto López eviten un desplazamientu llargu y el calor, gran enemigu pa los equipos norteños nestes fases d'ascensu, na eliminatoria definitiva pol ascensu a Segunda División B. El sortéu empareyó al Sporting B col Beasain, únicu cuartu clasificáu que llegó a la tercera ronda de los play-offs.

Somos Siero demanda que se cumpla la llei.

El valor de les aiciones de Liberbank medró más d’un 30 por cientu esti llunes depués de perder un 50 por cientu nes dos selmanes últimes, con especial descensu tres la cayida del Banco Popular. La decisión de la CNMV de prohibir les ventes en curtiu de los títulos del bancu con orixe en CaxaAstur ayudó a esta recuperación.

El filial roxiblanco ganó 2-0 al Almería B nun partíu nel que se mostró superior al andaluz.

Los de José Alberto López van disputar la ronda definitiva pol ascensu a Segunda División B tres dar la vuelta al 1-0 rexistráu na ida nel Estadio de los Juegos Mediterráneos. Arropáu por numberosu públicu en Mareo, el Sporting igualó la eliminatoria nel minutu 17 gracies a un penalti por manu de Soufiane, que tresformó Isma Cerro.

Los ataques a la ganadería por parte del llobu y l’osu nun habría de provocar un mayor control d’estes especies, como soliciten los ganaderos. Un 76 por cientu de los usuarios que participaron nel nuesu ‘Conceyu Abiertu’ prioricen la conservación de la fauna.