Mediu centenar de persones tán siendo investigaes, ente ellos el sindicalista, dientro de la nomada 'Operación Hulla'.

Esti llibru de rellatos ye la primer obra qu'espubliza la escritora de La Ponte Castru.

Los Alcuentros col Autor de los Talleres de Llectura n'Asturianu de Villaviciosa, qu'entama'l Serviciu de Normalización Llingüística de la 'Comarca de la Sidra', conviden mañana a Pilar Arnaldo p'aldericar sobre la so obra 'Nel ríu la fame'. Trátase d'una compilación de seis rellatos sobre histories realistes, y dacuando dures, de muyeres del mundu rural ambientaes nel entornu del ríu la Fame, nome popular que recibe'l ríu Xinestaza, en Tinéu.

La XDLA señala como “nefasta” la xestión de la direutiva nueva de la TPA. “La programación ta cada día más alloñada de la idiosincrasia asturiana, lo que se traduz en menos audiencia”, yá perbaxo del 5 por cientu, y reclama una programación infantil de verdá.

La direición nacional d’Izquierda Asturiana (IAS) llama al PP de Mieres a “dexar d'enredar” cola ordenanza d’asturianu aprobada nel Plenu del xueves pa nun “retrasar lo que ye inevitable”. La formación que participa nel gobiernu municipal d’Izquierda Xunida (IX) acusa a los populares de mentir “a costafecha”.

Seis díes depués de dase a conocer la dimisión de Francisco Blanco como conseyeru d’Emplegu, Industria y Turismu, Isaac Pola va tomar posesión del cargu nun actu previu a la reunión del Conseyu de Gobiernu. L’uvieín yera hasta la fecha direutor xeneral de Minería y Enerxía, puestu qu'ocupó tamién n'otres dos llexislatures.

Los de José Alberto López van enfrentase al Almería B, verdugu del UP Langreo.

El Sporting B va vese les cares contra un filial na segunda ronda de les eliminatories d'ascensu a la Segunda División B, onde llega tres quedar elimináu pol Olot (1-2) nel encruz de campeones. El rival que-y salió del sortéu d'ayeri en Las Rozas, onde yera l'únicu asturianu presente, foi l'Almería B, que'l domingu dexaba nel camín al Unión tres empatar nel minutu 80 el tantu inicial de Pablo Acebal qu'encaraba'l partíu hacia una prórroga.

Iniciativa pol Asturianu sigue dando a conocer esti productu col que se sofita'l llabor de la organización que trabaya pola normalización.

Les comparecencies informatives de la Comisión Especial d’Estudiu sobre'l Réxime de Proteición y Promoción del Asturianu de la Xunta Xeneral finaron y IX trabaya na redaición d’un informe sobre les mesmes. “Toles opiniones coincidieron nun 100 por cien”, apunta la so presidenta Concha Masa, que ve complicao cambios de postura sobre la oficialidá al tar les sos posiciones "mui definíes".

Un 48 por cientu de los usuarios d’Asturies.com que participó nel nuesu ‘Conceyu Abiertu’ considera que’l Día y la Selmana de les Lletres d’esti añu tuvo una repercusión asemeyada a la d’ediciones anteriores. Pela so parte, un 33 por cientu cree que sí foi mayor.

Los cuatro conxuntos del país quedaron eliminaos. El Sporting B va tar nel sortéu de la segunda ronda por ser campeón de grupu.

El filial roxiblancu, l'Avilés, l'UP Langreo y el CD Tuilla nun foron quien a dar la vuelta a los marcadores adversos de los partíos d'ida y el fútbol asturianu queda colos xixoneses como únicos aspirantes a algamar el saltu a la Segunda División B. Namái los de José Alberto López y l'Unión tuvieron opciones reales de pasar de ronda, pero los goles nel tramu final del Olot y del Almería B, de manera respeutiva, supunxeron la eliminación de dambos.