Esti sábadu pela mañana y pela nueche.

Más de mediu millar d’escolinos y escolines de 17 centros escolares de Xixón participaron na quinta edición de Cantar Presta Muncho, que la selmana qu’entra celebra los sos conciertos. El so coordinador, Nacho Fonseca, destaca la importancia d’averar el cancioneru asturianu a la reciella.

Esti domingu con fragua, madreñeru, bisutería, cerámica, cueru, música y humor.

El IX Mercáu Tradicional de Pampiedra va contar con actividá dende'l meudía, cuando va tener llugar la inauguración con música del país. Los Gascones van encargase d'ambientar el llugar dende les 12.30 hores y hasta les 15 hores, mentes que pela tarde, de magar les 17.30 hores, l'humor va tomar el relevu de la mano d'El Maestru, el grupu de teatru de l'Agrupación Padre Coll y Pin de la Cotolla.

Esti xueves, coincidiendo col 209 aniversariu de la declaración de soberanía de la Xunta Xeneral, Andecha Astur rexistró una propuesta pa la reconocencia oficial d’esta fecha “como espresión y reivindicación del drechu a decidir que mos correspuende como pueblu”. La organización celebra esti sábadu’l XX Día d’Andecha.

El PSOE y Somos Mieres sofitaron l’ordenanza d’asturianu del Conceyu de Mieres presentada por Izquierda Xunida (IX), que salió alantre col votu en contra del PP, qu’anunció alegaciones. “Ye’l primer pasín de los munchos qu’hai que dar”, afirma l’edil d’Izquierda Asturiana (IAS), nel gobiernu, Faustino Zapico.

El profesor Álvaro Ruiz de la Peña Solar va recibir un homenaxe del Institutu Feijoo d’Estudios del Sieglu XVIII y el Seminariu de Filoloxía Asturiana con motivu de la so xubilación. L’uvieín ye ún de los referentes nel estudiu de la lliteratura en llingua asturiana.

Asturias Laica celebra una ufrienda floral y una charra de Faustino Zapico n'Uviéu.

Alega motivos personales y volverá a la universidá. Yera l'únicu miembru del Gobiernu que nun se posicionara a favor de Susana Díaz nes primaries del PSOE.

El 25 de mayu del 1808 la Xunta Xeneral proclamóse soberana rebelándose contra'l dominiu francés. Esti xueves cúmplense, otra vuelta ensin conmemoración institucional nenguna, 209 años d’esa fecha histórica p’Asturies.

Tercer salida guiada de la edición del 2017.

A les 16 hores va salir del Edificiu La Noria'l grupu de persones qu'acutaron plaza pa percorrer el Parque Ferrera en llingua asturiana y conocer detalles y llugares del mesmu desconocíos inclusive por munchos avilesinos y avilesines. Trátase de la tercer salida de la segunda edición de CaleyAvilés, tres la doble del xueves, Día de los Museos, al centru históricu y al Muséu de la Historia Urbana d'Avilés.