Les plantes invasores centraron un taller en Villaviciosa

|
Les plantes invasores centraron un taller en Villaviciosa

Entamólu'l Centru d'Interpretación de la Ría de Villaviciosa coincidiendo cola cercanía del Día Mundial del Mediu Ambiente.

L'actividá celebrada'l domingu consistió nuna presentación nel centru d'interpretación pa dar a conocer les plantes invasores más comunes nesta contorna, asina como los problemes que causen pal caltenimientu de les especies autóctones propies de les dunes y marismes.

Darréu fixóse un percorríu pola sablera de Rodiles y la zona de Miami, cola mira d'arrincar exemplares de la margarita africana (Arctotheca calendula), una especie con llamatives flores marielles que colonizó diverses árees de la mariña asturiana. Tamién se recoyeron les basures d'arribazón y los residuos sólidos que s'atopen na playa, cola mira de caltener llimpia la reserva natural.

Na semeya, un exemplar de margarita africana.

Contador Estadistiques