El coleutivu va tar representáu na ciudá aquitana por Diego Solís y Nacho Wings.

L'asociación francesa Les Lettres Babel entama un recital de poesía col envís de dar a conocer la llingua asturiana en Bordeu/Bordeaux (Burdeos), pa lo que convida a Fame Poétika. Asina, Solís y Nacho Wings van facer un repás de la lliteratura asturiana que más-yos presta, recitar los sos poemes y presentar dalgunes sorpreses musicales.

Cuatro de los seis grupos municipales del Conceyu de Noreña van aprobar el xueves 30 en Plenu una moción de sofitu a la oficialidá qu’insta al Gobiernu y a la Xunta Xeneral a entamar la reforma l’Estatutu nesta llexislatura. El PSOE, al igual que’l PP, astúvose nes Comisiones Informatives que se celebraron na mañana del xueves.

La obra ‘Little Babilonia’, de Pablo X. Suárez, ye la ganadora del XXIII Premiu Xuan María Acebal de poesía, qu’entrega la Conseyería d’Educación y Cultura dientro de los Premios Lliterarios. El xuráu decantióse por esti trabayu por unanimidá.

Participa na Feria Internacional de Turismo de Interior (INTUR) de Valladolid.

Asturies promociónase dende güei y hasta'l domingu nesti eventu col oxetivu d'atrayer viaxeros de comunidaes próximes que contribuyan a desestacionalizar el sector en temporada baxa. L'estand institucional, un espaciu propiu de 50 metros cuadrados, acueye a delles empreses asturianes y organizaciones promotores de turismu, asina como a los conceyos d'Uviéu, Cangues d'Onís, Ayer y Somiedu, amás de la rexón d'Ozcos-Eo.

Avérase la Navidá y con ella torna, per quintu añu siguíu, el Festival Escenines pa la Reciella. El Colexu Públicu Xovellanos y el Centru de Cultura Antiguu Institutu de Xixón acueyen toles actividades, con espaciu pa los cuentos, el teatru y la música col conciertu de presentación de 'Bestiariu 3'.

‘Vida nel campu’ ye la obra merecedora del X Premiu María Xosefa Canellada de lliteratura infantil y xuvenil. La so autora ye Berta Piñán, que yá se llevó la primer edición d’esti gallardón perteneciente a los Premios Lliterarios con ‘Arroz, agua y maíz’.

La Conseyería de Desarrollu Rural y Recursos Naturales resuelve incoporar la totalidá de nueve conceyos a los cuatro que yá teníen esta calificación a primeros de xunu.

Dirixida por Samuel Fernandi y producida pola Universitat Politècnica de València, la cinta ta tovía nel procesu de producción.

Va ser esta tarde dientro de la estaya Día d'Asturies del Festival Internacional de Cine de Gijón/Xixón (FICXixón), fuera de competición, cita prevista dende les 20.30 hores na Llaboral. Una bona oportunidá pa conocer como ta desendolcándose esti curtiu d'animación n'asturianu, yá na so fase final.

Deportes decretó que la temporada d’esquí va comenzar el xueves 30 y va allargase hasta’l 1 d’abril, pero la falta de nieve en Valgrande-Payares y Fuentes de Invierno convida a pensar nun retrasu na apertura de les estaciones. Les tarifes de los bonos pa dellos díes y los bonos de temporada xuben una media del 8 por cientu.  

Amable Concha va falar nel Atenéu Obreru de Xixón sobre 'L'orixe asturianu del Far West'.

¿Por qué esisten al empar nos Estaos Xuníos cowboys y buckaroos ('va-quei-rus')? ¿D'aú vien la cultura buckaroo? ¿Por qué atopamos una abondosa cantidá de nomes de familia esclusivamente vaqueiros nel senu d’esta comunidá? ¿Qué partes de la so cultura tan más averaes a nós? ¿Puede afirmase l’orixe asturianu d’esta comunidá del mediu oeste americanu?..., son dalgunes de les entrugues que va tratar de responder l'abogáu y antropólogu nesta conferencia entamada pola Asociación Cultural Ástura.