L'escritor de L'Entregu, que va recibir el premiu nun eventu nel qu'actúa Cellero, presentó la obra 'Los restos d'un naufraxu'.

El xuráu compuestu polos escritores Xulio Vixil, Ana Esther Martínez Sierra y Francisco Álvarez González, amás de pol alcalde, Aitor García Corte, y el téunicu responsable de la Estaya de Cultura, Daniel Cueli, que fixeron les funciones de presidente y secretariu, de manera respeutiva, escoyeron el trabayu de Pablo Rodríguez Medina como merecedor del XX Concursu de Cuentos pola Oficialidá del Asturianu. L'autor lleva una recompensa de 600 euros.

‘Llázaro de Tormes’, de Carlos Alba ‘Cellero’, pasa a la historia por ser la primer obra en llevar el Premiu y Festival Nel Amaro de Teatru Profesional en Llingua Asturiana o Gallego-asturiano. Trátase d’una adaptación del clásicu anónimu de la lliteratura castellana.

La conseyera de Facienda y Sector Públicu, Dolores Carcedo, va presentar esti martes el Proyeutu de Llei de Presupuestos Xenerales pal 2018, col que’l Gobiernu busca contentar a Podemos y Izquierda Xunida (IX) pa sumar los sos apoyos. La coalición refuga forciar la oficialidá, pero demanda un plan de puxu y difusión del idioma.

Tres decidir el desaniciu del Premiu d’Ensayu y Trabayos d’Investigación Fierro Botas, el Conceyu de Xixón ta acabante de convocar el concursu nuevu col que pretender siguir faciendo alcordanza del xesuita. Trátase del Premiu Fierro Botas a la Meyor Idea Normalizadora pa escolinos de Secundaria y Bachilleratu.

Partidariu de la oficialidá del idioma, superó nuna xusta votación a Monchu García.

La militancia escoyó ayeri a Iván Fernández Ardura como secretariu xeneral nuevu de l'Agrupación Municipal Socialista de Xixón. Indentificáu col ala del partíu que sofita a Adrián Barbón y defensor de la oficialidá del asturianu, algamó'l 50,95 por cientu de los votos (399), por un 49,05 por cientu de García (372).

En total, 27 papeletes de diferencia ente les dos candidatures, con 8 votos en blancu y 28 nuelos. La participación foi del 59 por cientu, 18 puntos más que na anterior.

Esti sábadu, 25 de payares, ye'l Día Internacional del Desaniciu de la Violencia contra la Muyer. Uviéu acueye una manifestación dende les 12.30 hores.

La Plataforma Feminista d'Asturies convoca esta marcha que va salir del Teatru Campoamor y que se suma a la campaña #YoTamién (#YoTambién en castellanu), activa anguaño en redes sociales, col oxetivu de denunciar y visibilizar les violencies machistes. Asina, anima a les y los asistentes a qu'acudan con un cartelu nel que rellate una o delles situaciones de violencia que sufrieren na so vida xunto cola etiqueta #YoTamién.

Cree que la cooficialidá "alteraría profundamente la vida de los asturianos".

Mercedes Fernández, presidenta del Partido Popular (PP) d'Asturies, aprovechó'l Comité Executivu del partíu pa posicionase una vegada más contra la oficialidá. “El PP diz non, nidiamente, a la cooficialidá del asturianu, que respuende a intereses distintos a los de la rexón, porque lo qu'Asturies necesita ye creación d'emplegu, mozos que se queden na nuesa tierra o un modelo fiscal que rebaxe los altísimos impuestos que soporten los asturianos”, afirmó.

Esti vienres espublizóse nel BOPA la toponimia oficial nueva de Sotu’l Barcu, la tradicional, que deroga la castellana. ‘San Juan de la Arena’ recupera’l nome más emplegáu na zona, L’Arena, al igual qu’otros llugares del conceyu, como Ricuevas o La Imera.

Carlos Alba ‘Cellero’ va poner un cuentacuentos esti vienres nel ciclu La Reciella de la Factoría, qu’entama tolos meses la Estaya de la Llingua d’Avilés y ‘Reciella. Families pol Asturianu’. L’actor va repetir con ‘Contábenmelo en casa’ n’avientu en Xixón nel Festival Escenines pa la Reciella, tamién con entrada llibre.

Cola oposición única de Ciudadanos y Compromís, el Plenu del Congresu aprobó esti xueves el cupu vascu pal periodu 2017-2021 tres una negociación express. Javier Fernández, presidente d’Asturies, defendía que se tramitara al empar que la reforma del sistema de financiación del restu de comunidaes.