Javier Fernández ratificóse na so posición de cumplir col so programa eleutoral na segunda xornada del Alderique d'Orientación Política Xeneral, na que tuvo pallabra la oposición. La postura del Gobiernu y la FSA sobre la oficialidá foi tema de debate.

El coleutivu fixo un actu informativu y de protesta na so campaña centrada nel plumeru de La Pampa coincidiendo col Alderique d'Orientación Política Xeneral.

El presidente del país fixo referencia breve al idioma na so intervención nel Alderique d'Orientación Política Xeneral. Avisó que nun va dir más allá del programa eleutoral.

Somos Avilés, Izquierda Xunida (IX) y Ganemos Avilés van llevar al Plenu del xueves una proposición sobre la oficialidá na que piden avanzar hacia ella y instar al Gobiernu y la Xunta Xeneral entamar un diálogu sobre esti asuntu y refomar l’Estatutu. Estos grupos cuenten  sacala alantre col apoyu o l’astención del PSOE.

Una conferencia sobre los 14 años de vida de la Oficina de Normalización Llingüística de Xixón abrió les II Xornaes de Normalización Llingüística nos Conceyos. La so responsable, María Xosé Rodríguez López, destacó la necesidá de contar con una conceyalía de Normalización Llingüística.

"Diba ser una pena que la FSA, por llíos partidistes, retrase la so postura”, afirma'l secretariu xeneral de CC OO.

“Si queremos qu’un patrimoniu cultural de nueso sobreviva, hemos cuidalo y facelo oficial”, asegura José Manuel Zapico, qu'añade que "ye hora de que la izquierda política se ponga d’alcuerdu". Esti mensaxe va sobre manera pa la Federación Socialista Asturiana (FSA), que nel so congresu últimu aprobó sofitar la oficialidá del asturianu, anque la direición del partíu refuga tratar esti asuntu nesta llexislatura.

El responsable d'Educación y Cultura defende que les actuaciones que vien faciendo'l so departamentu se desendolcaron "siempre dientro del marcu que nos dimos".

"Los grupos políticos asturianos lo que tenemos que facer ye tresformar la opinión de los asturianos n'opinión llegal", alvirtió'l voceru d'IX na Xunta Xeneral.

Pese a que la intención de Concha Masa, presidenta de la Comisión Especial d’Estudiu sobre'l Réxime de Proteición y Promoción del Asturianu, yera tener el dictame de la mesma enantes de fin d’añu, les “circunstancies de la Xunta Xeneral” va retrasalu. Los grupos tienen hasta’l 19 de xineru pa facer aportaciones.

‘Escontra’l mal: remedios na sociedá tradicional asturiana’ ye’l nome de la temática de XVIII Seminariu d’Estudios Asturianos qu’entama la Fundación Belenos tolos meses de payares en La Puela. Nesta ocasión celébrase los díes 18 y 19, tando la matrícula abierta hasta’l miércoles.