Dos cintes n'asturianu taben a concursu.

El I Certame Internacional de Curtiumetraxes de Samartín del Rei Aurelio (CINESAN) yá conoz a los ganadores nes sos dos categorías. Na seición asturiana, na que competíen ocho creaciones, ente elles dos en llingua asturiana, Ad-vientu', dirixida pol asturianu Roberto F. Canuto y el chinu Xu Xiaoxi, y 'Agostu', de Diego Llorente, el premiu foi pa 'Llegar', de Javier y Kiko Prada.

Esti curtiu, rodáu nel 2017, ye un drama social nel que dos muyeres caltienen una conversación. Les sos protagonistes son Violeta Orgaz y Raquel Pérez.

Concha Masa, presidenta de la Comisión Especial d’Estudiu sobre'l Réxime de Proteición y Promoción del Asturianu, presentó esti llunes el primer borrador dictame coles conclusiones del mesmu. El documentu afita la cooficialidá “como únicu camín validu” pa la sobrevivencia de la llingua asturiana y del gallego-asturiano.

Esti martes van dar comienzu n’Uviéu les XXXVI Xornaes Internacionales d’Estudiu qu’entama l’Academia de la Llingua Asturiana (ALLA). Francisco José Llera Ramo va encargase de la ponencia inaugural, na que va presentar los datos de la III Encuesta Sociollingüística d’Asturies, de la que s'avanzaron aspeutos en xunu.

Vezos Astures convida a siete asociaciones culturales de tola Península Ibérica pa celebrar los diez años d'esta iniciativa.

L'ex conseyeru catalán d'Empresa i Coneixement pasó la nueche en prisión, al igual que los otros ocho miembros del Govern que declararon na Audiencia Nacional.

Santi Vila, que dimitió hores enantes de la votación de la independencia nel Parlament, yera l'únicu d'ellos a los que la xueza Carmen Lamela dio la posibilidá d'evitar la cárcer baxo pagu d'una fianza de 50.000 euros por considerar que nun esiste riesgu de reiteración delictiva. Sicasí, pasó la nueche en prisión en solidaridá colos sos compañeros.

Cada vienres de payares va representase nel uviedín Teatru Filarmónica una de les cuatro obres finalistes del I Premiu y Festival Nel Amaro de Teatru Profesional en Llingua Asturiana o Gallego-asturiano. 'Nunca nun se sabe', d'Higiénico Papel, abre'l festival.

La Proposición de Llei de Recuperación de la Memoria Democrática, presentada por IX, foi almitida a trámite na Xunta Xeneral col sofitu de la FSA, Podemos y Ciudadanos, y la oposición del PP y Foro. “Debémosla a munchos ciudadanos que llucharon contra la dictadura y polos derechos democráticos”, afirmó Llamazares.

El conseyeru Genaro Alonso reconoz que correspuende a Inspeición Educativa vixilar que los conteníos sían los correutos.

Pal dimitíu Santi Vila solicita prisión evitable baxo pagu de 50.000 euros. L'ex presidente catalán Carles Puigdemont nun se presentó a declarar y sigue en Bruxeles.

‘42.553: depués de Buchenwald’ ye la obra merecedora del XXIII Premiu Máximo Fuertes Acevedo d’ensayu, integráu nos Premios Lliterarios que concede la Conseyería d’Educación y Cultura. El so autor ye l’escritor y estudiosu de la nuesa lliteratura Xuan Santori.