Celebró en Cangas del Narcea la primer sesión y tien prevista una ventena de conceyos con entidaes y coleutivos.

La vicepresidenta de la Cámara va visitar los campamentos de refuxaos saḥarauis.

María José Miranda viaxó ayeri de madrugada en carretera hacia Madrid pa garrar un avión hacia Arxelia col oxetivu d'aportar a Tindouf, población qu'acueye a los refuxaos del Saḥara Occidental. La intención d'esti desplazamientu ye tomar contautu cola realidá de los asentamientos, creaos hai 40 años, onde residen más de 150.000 persones.

El Conseyu de Gobiernu dio’l preste esti miércoles a trés decretos toponímicos que faen oficiales los nomes de llugar tradicionales de Tapia, San Tiso d’Abres y Peñamellera Alta. D’esta forma, yá son 59 los conceyos del país que recuperen los topónimos asturianos.

La sangría demográfica nun apara n’Asturies. Los datos del padrón municipal con fecha del 1 de xineru del 2017, oficializáu recién pol Gobiernu estatal, asitien la población del país en 1.034.960, lo que significa una perda de 7.648 habitantes a lo llargo del 2016.

Esti xueves echa a andar en Carreño’l Programa Cultural Antón de Marirreguera col oxetivu de recordar la figura del poeta, dignificar l’asturianu y “crear un polu de creatividá cultural” nel conceyu con repercusión en toda Asturies. Un actu en Llorgozana va abrir la XXXIX Selmana de les Lletres Asturianes el 27 d'abril.

Un tren de Renfe, el primeru a gas natural llicuáu d'Europa y de viaxeros a nivel mundial, percorrió a mou de prueba un tramu de 5 quilómetros ente les estaciones de Mieres y Figareo. La intención yera analizar les potenciales ventayes ambientales y económiques que pue aportar esti combustible en llinies non lletrificaes.

El fotógrafu va aprovechar les sos creaciones p'afondar sobre la tipoloxía y usos d'horros, cabazos y paneres nuna charra en Xixón.

L'Atenéu Obreru de Xixón y l'Ateneo Jovellanos entamen esta charra-proyeición protagonizada por Juanjo Arrojo de nome 'Hórreos, cabazos y paneras. Tipologías, usos y estilos', que va tener como sede mañana, dende les 19.30 hores, la Biblioteca Pública Xovellanos. Nella, el turonés criáu en Cuideiru y residente en Xixón, va presentar dalgunes de les sos munches semeyes feches a estes construcciones tradicionales.

L’alcaldesa de Noreña, Amparo Antuña, aconceyó esti llunes col abogáu Ignacio Fernández pa estudiar la sentencia del TSXA sobre les ordenances d’asturianu, reunión a la que convidó al edil Antonio Martínez Fernández. Tamos valorando la situación a ver qué interesa más al Conceyu y al asturianu”, señaló tres l’alcuentru.

El ministru d’Enerxía, Turismu y Axenda Dixital, Álvaro Nadal, anunció la celebración del II Congresu Mundial sobre Destinos Turísticos Intelixentes n’Uviéu nel mes de xunu. La organización vien pola celebración del triple centenariu de Cuadonga.

Daniel Fernández ganó na estaya de menores imitando a Nando Agüeros, mentes que Quillo Coto fíxolo na d'adultos con una interpretación de 'Atrapado' de Stukas.