Miranda viaxa a Tindouf en representación de la Xunta Xeneral

La vicepresidenta de la Cámara va visitar los campamentos de refuxaos saḥarauis.

María José Miranda viaxó ayeri de madrugada en carretera hacia Madrid pa garrar un avión hacia Arxelia col oxetivu d'aportar a Tindouf, población qu'acueye a los refuxaos del Saḥara Occidental. La intención d'esti desplazamientu ye tomar contautu cola realidá de los asentamientos, creaos hai 40 años, onde residen más de 150.000 persones.

"Amás de conocer la situación y les sos costumes, la visita va danos una visión sobre'l conflictu más realista y de primer mano", espresó la diputada d'Izquierda Xunida (IX). La visita, na que Miranda sustitúi al presidente de la Xunta Xeneral, Pedro Sanjurjo, va concluyir el sábadu, día nel que ta previstu'l regresu a Asturies.

Semeya obra de 'revenque' baxo llicencia CC BY 2.0.