Noreña va presentar una ordenanza nueva d'asturianu pa salvar l'anulación de l'actual

La falta del informe de sostenibilidá financiera lleva al Conceyu a emplegar esta vía en llugar d'apostar por recurrir la sentencia.

La ordenanza nueva va ser práuticamente idéntica a l'aprobada nel 2016, anque con delles modificaciones pa evitar una anulación nueva por parte del Tribunal Superior de Xusticia d'Asturies (TSXA). Amás, va incluyir un estudiu d’incidencia económica de la mesma na Facienda municipal, ún de los motivos que llevó a dar la razón al recursu presentáu por Luis Miguel Suárez González de manera particular a la decisión prenaria que permitió dar el preste al documentu.

L'otru puntu que llevó al TSXA a valtar la ordenanza foi una referencia al asturianu como llingua propia de Noreña. Esta cuestión considerábase recurrible, non como l'ausencia del informe económicu.