La llectura de poemes del escritor por neños foi la parte más emotiva del actu.

Un piñu de militantes d'Andecha Astur y dellos ciudadanos acudieron el sábadu al actu n'alcordanza d'Andrés Solar celebráu nel cementeriu de Deva con motivu del trentenu tercer aniversariu de la muerta del escritor. Una neña y un neñu encargáronse de lleer dalgunos de los sos poemes nel llugar onde reposen los sos restos, pa depués proceder a un actu frente a la placa instalada na parte esterna del cementeriu pola organización nacionalista nel 2004.

Felpeyu protagoniza la portada del Anuariu de la Música Asturiana 2017, que dende esti vienres va distribuyise de baldre xunto con una esbilla musical en CD de creaciones editaes l'añu pasáu. Nel so editorial pon atención na seca creativa actual y llama a l’Alministración y a los medios públicos a implicase.

El Teatru de la Llaboral va acoyer la presentación n’Asturies del discu nuevu de Marisa Valle Roso, ‘Consciente’, col que l’artista da un xiru a la so trayeutoria nacida na tonada. “Toi mui contenta y ilusionada por mostrar al mio públicu una apuesta diferente a lo que ta avezao, con un repertoriu propiu”, asegura la llangreana.

Diez díes depués de salir a la venta, los siguidores grandes y pequeños de la serie ‘Bestiariu’ van poder disfrutar en direuto de los cantares del tercer discu d’esti proyeutu. El conciertu va servir pa poner el ramu al V Festival Escenines pa la Reciella.

La mazcarada d'Ayande sal esti sábadu, mentes que la de Ponga fai lo propio'l llunes.

La salida d'Os Reises del Valledor ta prevista pa les 10.30 hores de Villalaín, pa depués percorrer San Salvador y Fonteta, onde ta instalada una carpa pa celebrar una xinta y siguir cola folixa. Esta mazcarada, formada por 11 personaxes, va visitar les cases de los pueblos pidiendo l'aguinaldu mientres animen el llugar colos sos cantares y bailles.

El Conseyu de Gobiernu dio lluz verde esti xueves al decretu que va regular la prórroga de los presupuestos d’Asturies del 2017 pal añu qu’entra, que va entrar en vigor el 1 de xineru. La FSA nun pudo sacar alantre les cuentes al nun llegar a un alcuerdu con Podemos.

El miércoles, 27 d’avientu, cumpliéronse 33 años de la muerte del escritor Andrés Solar nun accidente de tráficu cuando namái tenía 29 años. Como ye vezu, Andecha Astur celebra un actu n’alcordanza del xixonés nel cementeriu de Deva, onde reposen los sos restos.

El plazu pa matriculase fina'l día 17.

El Serviciu de Normalización Llingüística de la 'Comarca de la Sidra', en collaboración col Atenéu Obreru de Villaviciosa, entama un nuevu taller d'asturianu, con clases que van comenzar el mesmu día 17 y que van allargase hasta'l 21 marzu, completando un total de 30 hores. En concreto, éstes van desendolcase tolos miércoles nel propiu Atenéu de 18 a 20.30 hores.

Agua, raches d’aire d’hasta 130 quilómetros per hora, nieve y folaxe fuerte ta dexando ‘Bruno’ n’Asturies. El primer temporal del iviernu caltién n’alerta mariella’l suroccidente y el cordal por nevaes, mentes que tol llitoral tien avisu naranxa.

La non espublización entovía de les subvenciones a entidaes llocales pa la normalización social del asturianu y gallego-asturiano lleva a los SNL a una situación abegosa. L’ATNL critica “la falta de compromisu” de Planificación y Normalización Llingüística y alerta de l’arrenuncia de dellos conceyos a proyeutos previstos.