Día del Llibru Asturianu

La Wikipedia n'asturianu ye la segunda del mundu con mayor porcentaxe de biografíes de muyeres

|
Xosefa Xovellanos Wikipedia muyeres

Con un 34,4 por cientu, namái ye superada pola galesa, cola que trabaya en comuña nun proyeutu de traducción d'entraes sobre les poblaciones de dambos países.

La comunidá d'usuarios que da forma a la Wikipedia n'asturianu nun sólo ta trabayando en poner al nuesu idioma ente les principales llingües de la enciclopedia llibre, con 76.624 artículos espublizaos, sinón que tamién pretende finar cola fienda de xéneru na propia Wikipedia. El so enfotu amuésase pol fechu de que l'asturianu ye la segunda llingua con mayor porcentaxe de biografíes de muyeres.

De les 13.145 asoleyaes hasta'l momentu, 4.519 son protagonizaes por persones de xéneru femenín, lo que supón un 34,4 por cientu del total. La galesa, con un 53,4 por cientu ye la que lidera esta lista na que tamién podemos ver nos primeres posiciones a la fecha en llingua urdu (30,9 por cientu), na malabar (27,9 por cientu) y na azerbayana (26,3 por cientu).

Asturies-Cymru

Les wikipedies asturiana y galesa tán tamién medrando estos díes gracies a un proyeutu en comuña que consiste na torna d'artículos sobre poblaciones de dambos países al otru idioma. D'esta forma los usuarios van poder acceder a información sobre l'otru territoriu na so llingua propia, respetando siempre la toponimia tradicional.

Contador Estadistiques