Asturies faló: "¡Oficialidá!"

|
Asturies faló: "¡Oficialidá!"

Al rodiu de 30.000 persones, según la Xunta pola Defensa de la Llingua Asturiana, percorrieron les cais d'Uviéu pa pidir la oficialidá del asturianu y del gallego-asturiano.

Esta mañana n'Uviéu, la sociedá asturiana amosó'l so deséu de llograr la oficiadá de les llingues propies d'Asturies.

Los datos de participación confirmen les declaraciones d'ayeri de los convocantes nos que consideraben que la convocatoria yá yera un ésitu poles conciencies que removió y los sofitos que tuvo, nel día de güei, la rempuesta  de la sociedá asturiana na manifestación afitó'l esti pruyimientu.

Carlos Pulgar, voceru de la Xunta pola Defensa de la Llingua Asturiana (XDLA) asegura que la de güei ye la manifestación más numberosa de les celebraes hasta la fecha pola oficialidá del asturianu y del gallego-asturiano.

María Cotiello lleó'l comunicáu na plaza de la Catedral enllena de xente, onde dixo que "nadie puede tar a la escontra de poner les bases llegales pa que les llingües propies d'Asturies puedan sobrevivir"

Finó l'actu na Plaza de la Catetral coles actuaciones de L-R y Ún de Grao.

Contador Estadistiques