El llunes la Conseyería de Salú nun dio les cifres asturianes actualizaes a les 20 hores.

El Centru de Coordinación d'Alertes y Emerxencies Sanitaries decidió camudar el sistema d'unvíu d'información de los datos de la pandemia de COVID-19. Agora les comunidaes autónomes van comunicar los propios al Ministeriu de Sanidá a les 12 hores, polo que taba previsto que los d'ayeri se conocieren esta mañana, anque finalmente nun foi asina.

Asturies insistió nel Plenu del Conseyu Interterritorial del Sistema Nacional de Salud, onde hebo consensu na obligatoriedá nel usu del mázcaru, en que se tengan en cuenta l’avieyamientu de la población y la inversión na sanidá pública a la hora de compensar los gastos a les autonomíes pola pandemia de COVID-19. El conseyeru Pablo Ignacio Fernández identificóse na mesma baxo’l nome ‘Asturies’.

Esti xueves debería d’entamar la prueba de certificación d’asturianu adaptada al Marcu Común Européu de Referencia pa les Llingües de nivel B2, que la situación actual de crisis sanitaria obliga a aplazar. Educación asitia les feches nueves pal trimestre últimu del añu y anuncia que va activar la matriculación “nos díes próximos”.

‘Asturies, tas faciéndolo bien’ ye’l nome de la campaña d’información y sensibilización ciudadana de la desescalada qu’entama’l Gobiernu pa estes selmanes. La cartelería incorporó dende un primer momentu l’asturianu, anque s’espera pola versión asturiana de los vídeos, les cuñes de radio y la páxina web.

Avilés asoleya un videu y Xixón entama una actividá de microrrellatos billingüe.

Esta fin de selmana hebo 10 positivos por PCR, 7 el vienres y 3 el domingu.

Depués de que'l miércoles se rexistrara la primer xornada ensin contaxos dende'l 3 de marzu, cuando se diera'l segundu de la serie del andanciu de COVID-19, el sábadu la Conseyería de Salú tornó a comunicar l'ausencia de casos nuevos. El total hasta'l momentu ye de 2.369 por pruebes de PCR, mentes que por test anticuerpos asciende a 985 tres acumular 25, 17 y 7 nos díes últimos.

El diputáu de Foro nel Congresu tuviera síntomes y esperaba confirmación tres la detección de COVID-19 nun test rápidu.

Caltiénense dende'l miércoles na sede de la empresa semipública n'El Musel pa denunciar 7 despidos que cataloguen de "encubiertos".

Tres l'ausencia de positivos nuevos por PCR el miércoles, el xueves deteutáronse 3.

“Si too va bien pasarémos a fase 2 non el próximu llunes, sinón el siguiente”, treslladó’l conseyeru de Salú, Pablo Ignacio Fernández Muñiz, a los grupos parllamentarios na so comparecencia telemática nel grupu de trabayu de la Xunta sobre la COVID-19. D’esta forma Asturies siguiría’l calendariu de la desescalada.